Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Filifilimanako (Nepotism) 'i he tu'unga kovitaha Featured

Filifilimanako (Nepotism) 'i he tu'unga kovitaha

Na’a ku fanongo ki he ongoongo na’e tālanga’i ‘i he Fale hono fakangāue’i ‘e he Palēmia hono foha ko ‘ene personal assistant (P.A) ‘a ia ne tukuaki’i koe Nepotism, ko e lea muli ka ‘oku ‘uhinga ki ha filifilimānako ‘a ha taha pule pe ngāue ma’olunga ‘o ne ‘oatu pe hano fāmili ofi ki ha tu’unga ma’olunga ‘i he ngāue’anga ‘oku pule pe ma’u mafai ma’olunga ai. Na’a ku fakakaukau ko e tu’unga tipeiti ma’olunga na’e tonu ke a’u kiai ‘a e Fale. He ko e founga na’e tonu ke fua fekeli ki he fakamatala pe faka’uhinga ‘o e ongo fo’i lea, ko e personal assistant mo e nepotism, pea ko e fekau’aki ‘o e ongo ‘uhinga tene tataki ‘a e tipeiti ke fai.

Ko e fekumi ‘e kamata mei he me’a na’e mu’omu’a hoko ‘a ia koe personal assistant (P.A) pea toki muimui mai leva ‘a e tukuaki’i ko e nepotism. ‘Oku ‘i ai foki e fakamatala fatongia pe ngafa (job description) ‘oku fa’ofale kotoa ai e ngāhi fatongia ‘o ha P.A:

1. Ko ia ‘oku fua fai ki ai e fetu’utaki pe faka’eke’eke telefoni, email pe kole ‘apoinimeni, fua fe’iloaki mo ha taha ‘a’ahi.

2. ‘Oku ne fokotu’utu’u pea tokanga’i e fekau’aki moe fengāue’aki ‘a e ‘ofisi ‘o e pule kau ki ai hono lekōti mo tauhi ‘o e ngāhi fakamatala.

3. Fokotu’utu’u e fakataha mo e folau ‘a e pule ngāue pea folau moia ‘o lekōti e ngāhi fakataha pea tokoni ki he fa’u ‘o e lea ‘a e pule.

4. Fakahoko e ngāhi fakatotolo ki ha me’a pe ‘oku fiema’u ‘e he pule.

5. Tokanga’i e ngāhi fatongia pea faitu’utu’uni kau kiai hano vahe atu e ngafa fatongia ‘oka mama’o e pule.

6. Tokanga’i e ‘u me’a fakapa’anga ‘o e patiseti ‘o e ‘ofisi ‘o e pule.

Ko e ‘u nāunau eni ‘oku sivi’aki ha taha ‘e hoko ko ha P.A. ‘Aia ko e ‘uluaki fehu’i leva ia pe ‘oku ma’u ‘e he tokotaha ‘oku ‘ave ki ai e lakanga P.A ‘a e ako moe pōto’i ngāue fe’unga ke ne fakatoli’a e ngāhi fiema’u ko e ni, tukukeheange mo e fehu’i totonu ko ia pe na’e tu’uaki e P.A ke si’i tohi mai ki ai ‘a e kakai ‘o e Fonua ‘oku nau fiema’u e ngāue ni he kapau na’e tu’uaki na’e mei tokolahi ‘aupito e kakai poto mo taukei na’a nau mei tohi mai kiai.

‘Oku ‘ikai kau heni ko ha taha ‘oku ‘iai ‘ene ongo’i makehe ki he pule he ko hono toto. ‘Oku ‘ikai kau heni ko ha taha tene tokanga’i e mo’ui lelei ‘a e pule he kuo motu’a. ‘Oku ‘ikai kau heni pe ko e vahe ‘a e P.A ‘oku to’o mei he vahenga ‘o e pule pe ‘ikai. ‘I he ngāhi ‘uhinga koe na ‘oku fakamo’oni’i ta’etoeveiveiua ko e fili na’e fai ‘e he Palemia ko e Nepotism pea koe filifilimānako ‘i he tu’unga kovi taha ‘a ia ko e ‘oange ki hoto toto ofi taha ‘a e lakanga ma’olunga ‘i he ngāue’anga ‘oku te pule ai.



Faka’apa’apa atu
‘Uteifuiono

Leave a comment

Make sure you enter all the required information, indicated by an asterisk (*). HTML code is not allowed.

back to top