Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Ko hai ‘oku ne totongi ‘a e ‘otu nofo hotele ‘a e Palēmia? Featured

Ko hai ‘oku ne totongi ‘a e ‘otu nofo hotele ‘a e Palēmia?

21 Fepueli, 2018. ‘Oku ‘i ai ‘a e fifili pe ko hai ‘oku ne totongi ‘a e ‘otu nofo hotele ‘a e Palēmia Samuela ‘Akilisi Pohiva.

‘Oku ‘ikai foki ke kovi ia kapau ‘oku ne totongi pe ‘e ia mei hono kato pe koe siponisoa ‘e he kau ma’u hotele ko’eni neongo ‘oku fakatu’utamaki pe mo e ‘uhinga koia ia.

Ka ‘oku ‘uhinga ‘a e fifili ko’eni he na’e ‘osi ‘i ai ‘a e ‘api na’e fakamole ‘e he Pule’anga ‘i he ta’u 2015 ‘a e pa’anga ‘e laukilu ke fakalelei’i ‘aki ‘a e Kuata Pule’anga ‘i Fasi ke me’a ai ‘a e Palemia.

‘Oku ‘i ai mo e tukuaki’i na’e ‘ohake ‘e he ngaahi mitia ‘o pehe na’e to’o mo e pa’anga ‘ova he taha kilu mei he Emergency Fund ke fakalelei’i ‘aki ‘a e ‘api ‘o e foha ‘o e Palēmia na’e vela pea na’e me’a ai ‘a e Palemia.

‘Oku mahino foki kuo hiki ‘a e Palēmia ia mei he Kuata Pule’anga ‘i Fasi pea ‘oku fehu’ia leva heni ‘a e fakamole ko’eni na’e fakahoko ‘o kau kiai mo hono fakanaunau kakato ‘a e kuata ko’eni ‘a ia na’e fakataumu’a ke me’a ai ‘a e Palēmia.

Kapau ‘oku foki ki he ‘api hono foha na’e vela pea ‘oku fakapotopoto pe ia ke me’a ai ka koe ‘otu nofo hotele ko’eni ‘oku ne ‘omai ‘a e fakatupu fifili ki he fonua.

‘Oku ‘i ai ‘a e totonu ‘a e fonua kenau ‘ilo ki he ‘uhinga ‘oku lahi nofo hotele ai ‘a e Palemia he na’e ‘ata pe mei he Falemahaki Vaiola ‘i he mahina ko Sanuali ‘o nofo ‘i he hotele Emerald pea hiki mei ai ki he hotele Tanoa pea hoko atu ai ki he hotele Little India.

Kapau ‘oku totongi ‘eni mei he pa’anga tukuhau ‘a e fonua pea ‘oku to atu ia ki he fakavalevale.

Kaikehe ko’ene toki hoko ‘eni ia he fonua ni ha me’a pehe ke hiki holo pe ‘a e Palemia ia he ngaahi hotele pea ‘oku makatu’unga ai ‘a e fifili pe ko hai ‘oku ne totongi 'eni.

10 comments

  • Haamoko
    Haamoko Thursday, 01 March 2018 15:36 Comment Link

    Falakiko kuo maalie ho ngutu he fakakatala pea kuo ke leanoa he fifili a e kau laukonga. Uanoa tama kapau na ke tokangai ho famili e. Mau alu mautolu o inukava pea mau foki ki homau ngaahi mali, ka ke nofo mau koe mo kei li’aki pe ho mali.
    Ko e fuu otu nofo hotele ia a e Palemia mo e sivi fakafaitoo tuo fiha kuo osi mahino lelei ku ova ia he vahe fakauike 2, tuku kehe ka kuo advance ene vahe ana he term kakato ke lato aki e fiemau. Ko e fifili heikai osi he kuo lahi ange fakamole he seniti oku mau. Oku ikai tukuange ehe kau ngaue ofisi palemia ha fakamatala ki tua naa mole enau ngaue.

    Report
  • fuekafa
    fuekafa Wednesday, 28 February 2018 09:29 Comment Link

    malie aupito e ongongo..koe mooni ne alu o nofo hotele, koe totongi teeki ilo ha taha pe fkpapaui e totongi e hai...ka oku lahi e fkmahamahalo koe ikai asi mai ki mua 'a e Ofisi Palemia o fkha mai ae tuunga moonii me'a ko ia...koe taliui ia kihe mooni moe maama...ka ikai e alu leva 'a e ng vavalo..

    Report
  • Falakiko Vahe
    Falakiko Vahe Tuesday, 27 February 2018 22:01 Comment Link

    Malo mua kau tangata e okooko fakatalanoa,oku ikai keu malu'i eau ha taha o hange ko hoomou tui pea malie koe lau mai koe lotu fakatevolo oku ou fai a a e fakafeatungiai ae lea kihe Palemia.Malie ae tuhuu ka kohai e tuhu atuu?Fakatokangai ange koe taimi oku te talanoa he mooni oku te luelue pe i loto o ikai ilo ia ha taha pe oku te kau ki fe o hange ko eku iloi lelei homou huunga kotoa.Tau ki tatali pe kihe mooni hee au mai pe pea tau toki felingiaki.Koe kuonga eni oe tekinolosia...ta hangatonu kihe ofisi palemia mau meiai e u fika ki hooomou fifili pea moe ngaahi email address ke mou tohi kiai o eke ae ngaaahi fifili oku mou taku ko hoomou totonu.Kae fakaosi...mahuinga aupito e ngaue malohi i hoto ki famili ke fakasiisii ai e hanu moe tuhu holo hange ko hono akoi etau fanau i api,fakasiisii moe oh inukava kae liaki e famili,fakamlosino miniti e 30,fai ha lotu fakafamili he po kotoa,ngaahi e mea tokoni moui lelei ke kai e famili i api pea oh leva e ngaahi matua o ngaue malohi he ngaueanga oku nau ngaue ai.I hono fai ia o maau e fksiisii leva e tau toe tuhu holo ki he kakai kuo nau fakalele hotau fonua he koe fili ia ae tokolahi taha neongo nae ikai keta fili taua ia nautolu.

    Report
  • Sii Tonga fakaofa
    Sii Tonga fakaofa Monday, 26 February 2018 09:28 Comment Link

    Falakiko Vahe pe ko ho'o malu'i pehe'i e PM he 'oku ma'u ai ha'o me'a, 'oku totonu pe ki he kakai ke nau fifili he ko 'enau pa'anga tukuhau 'oku fakalele 'aki 'a e pule'anga. Ko ena 'oku toe ongo mai ko e PM 'oku te'eki ai pe ke sai lelei hono mahaki, ko 'ete huu koee ki ha ngaue fakapule'anga 'oku fai 'ete sivi mo'ui lelei pe 'oku te fit ke fai a e ngaue pe ikai pea kapau 'oku 'ikai ke te fit pea te foki aa ki 'api ma'u ha malolo mo e mole pa'anga kakai hono totongi 'ete vahe kae 'ikai ke malava fai hoto fatongia. Tatau pe mo e PM lau ai pe teke kakai ke hiko e veve kae ikai ke uluaki hau ia hiko e veve ahahaha

    Report
  • Mark Hanson
    Mark Hanson Sunday, 25 February 2018 16:14 Comment Link

    Mo'oni lahi koe Suli. Ko 'ete lotokovi foki 'oku fai ia ki ha taha 'oku laka 'ia kita, he koloa, pa'anga, 'atamai, mo'ui fakalaumalie moe mo'ui lelei 'ae sino. Lolotonga 'etau laka katoa 'ia 'akili he ngaahi me'a ko ia kuo 'ai ke mole hotau taimi he lolokovi koaa ki he'ene nofo hotele. Pea kuo te pehe ko ha'ane nofo hotele 'aki ha'ane pa'anga pe koha pa'ange 'ene fanau ko ena 'oku fiu ta honau mo'ua he lau'ikovi'i. Koe me'a ia 'oku ui koe lotokovi. Na'e pea 'oku kei lotokovi pe a 'akili kia Feleti Sevele, he 'oku laka 'a Feleti ai he me'a kotoa pe - 'atamai, koloa, pa'anga, famili, tupu'anga, moe ha fua. Pea tonu leva e lotokovi 'a 'akili he taha ni tene teitei ma'u e ngaahi naunau 'oku ma'u 'e Feleti. Pea ko Feleti ena 'oku nofo pe ia mei he falealea moe pule'anga kae kei ma'u pa'anga pe ia, he na'e anga pe ia he ala he pa'anga talu 'ene tupu. Ka tau sio mai ha taimi 'e foki ai a nofo-hotele ki honau 'api. Koe me'a leva ia 'oku ui koe foki 'ae kulii ki he'ene lua.

    Report
  • Suli
    Suli Saturday, 24 February 2018 09:43 Comment Link

    Ko e kau lotu fakatevolo ena ka Akilisi ae falakiko moe otu ikai kenau loto ke ue’i pe lea kovi ha taha ka akilisi he ko honau otua. Taemahino lahi vakai koe eke fehui kuo tala ia koe tukuakii. Kohai koaa oku fie lotokovi kiha taha mahamahaki?

    Report
  • Mark Hanson
    Mark Hanson Friday, 23 February 2018 16:29 Comment Link

    He koe ha hono kovi hono 'eke? Ka 'oku 'ikai leva ke fakaha mai pea 'oku tonu ke 'eke. Tau hoha'a'ia he toutou press conference ke fakamatala mai 'ene ngaahi tukuaki'i noa'ia e kakai moe kau taki ki mu'a, kae 'ikai fai ha press conference ia ke fakamatala mai e ngaahi me'a 'oku hoko ki ai. Pea koe iku'anga pe ko hono 'eke ke 'ilo. Koe ha e me'a 'oku maumau ai? Pea kuopau ke fai e ngaahi fakamahamahalo he taha ni 'oku 'asi mai a Po'oi 'o talamai ki he kakai.
    Pea tuku e lau lotokovi ia he 'oku 'ikai fie mole ha taimi 'o taha he lotokovi kiha kakai kakaa, loi, mio'i moe ta'e'ofa. Oku 'iai 'emau totonu ke 'eke e ngaahi me'a 'oku 'ikai ke tala mai. Ko 'akili pe na'e pea 'oku kei nofo pe 'o lotokovi takai holo ki he kakai. Pea mou o pe moutolu 'o lotu mo hapai a 'akili ke tia homou me'a hapai, he koena 'oku fetongitongi hotele ia ka mou kei puhi favai holo pe hono malu'i. Mou lelelele kuikui ai pe he ko ho mou fe'unga pe ia.

    Report
  • Falakiko Vahe
    Falakiko Vahe Friday, 23 February 2018 08:18 Comment Link

    Tau ki tali hifo pe he toki ilo e mooni amui ka kuo tau tukuhifo e eiki Palemia aki e ngaahi fakamahamahalo fakalotokovi.Ne mei lelei ange kapau ne tomua fai e homework kae e toki fai e fifili.Fekumi kihe ngaahi aho e fiha ne fakamole ihe ngaahi hotele kehekehe ko ena ne lauu pea toe omai moe ngaahi fakamole koia.

    Report
  • Fakalalafu
    Fakalalafu Thursday, 22 February 2018 23:03 Comment Link

    Malie tama e taki e Pule'anga 'o e kakai na'e fili 'e he kakai. Nofo hotele ai leva he 'oku ta'epau e kaha'u.

    Report
  • Falakesi
    Falakesi Thursday, 22 February 2018 19:56 Comment Link

    Ka ne koha hiki holo ena ha Palemia houeiki pe koha taha he kau tau’ataina kuo ui e Akilisi ha tohi tangi mo ha laka fakahahaa! Tau toki sio atu kihe siana fonu hono loto he kovi pea alu hake ikai ha toe taha lotokovi ia i Tonga ni kene pehe’i ee.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top