Laka he mahina ‘e 1 folau faka-faito’o Pohiva Tu’i’onetoa Featured
8 Fepueli, 2018. Kuo hoko hono tuku mai ‘e he mitia faka-sosiale kuo fakamalōlō’i ‘e he Palēmia ‘a e Minisitā Pa’anga Dr. Pohiva Tui’onetoa mo hono faka’ikai’i ‘e he Palēmia ‘oku ‘ikai ke mo’oni ‘eni ke fakatokanga’i hake ai ‘oku te’eki foki mai ‘a e Minisitā ko’eni mei ‘Aositelēlia.
Na’e tukuange mai pe foki ‘e he ngaahi kautaha ongoongo ‘a e tu’utu’uni ‘a e Kapineti ‘i he ‘aho 3 ‘o Sanuali 2018 ke fakafolau faka-faito’o ‘a Pohiva Tui’onetoa ki ‘Aositelēia pea koe talu mei he folau koia ‘oku kei ‘i ‘Aositelēlia pe ‘a Tu’I’onetoa pehe ki hono uaifi.
Ko e folau ko’eni kuo laka hake ‘i he mahina ‘e taha pea ‘oku totongi ‘e he Pule’anga mei he pa’anga tukuhau ‘a e fonua ‘a e folau ko’eni.
‘Oku mahu’inga ‘a e mo’ui pea ‘oku ‘i ai pe mo e totonu ‘a Tui’onetoa ia ki heni ka ‘oku toe fu’u mahu’inga pe foki ke ‘ilo ‘e he kakai ‘o e fonua ‘a e feitu’u ‘oku hu’u kiai ‘enau pa’anga tukuhau.
'Oku 'ikai lau heni 'a e fatongia ki he fonua moe kakai 'a ia 'oku totongi pe kinauolu neongo 'oku nau mavahe mei he fatongia.
Na’e toki folau atu pe foki mo e Palēmia ki Nu’usila ko hono sivi faka-faito’o pea neongo ‘oku ‘i ai ‘ene totonu kiai ka ‘oku totonu ketau fua tauatau ‘eni ki he toenga ‘o e si’i kakai masiva ‘o e fonua ‘a ia ‘oku toutou malanga’i ke fai ‘a e ‘ofa kiai.
‘Oku tofanga ‘a e kau taki ‘i he ngaahi monū ko’eni ka ‘oku mole ‘a e mo’ui ‘a e si’i kakai masiva tokolahi ‘o e fonua ‘oku ‘ikai malava ke ‘ave faka-faito’o kinautolu.
‘I he’ene pehe leva ‘oku totonu ke tau toe sio mo vakavakai ki he ngaahi tafa’aki kimu’a pea tau malanga’aki ‘a e vahevahe taau mo e ‘ofa ki he masiva.
5 comments
-
Kapau teu ma'u vahenga au mei ha Potungaue 'a e Pule'anga ka oku ikai keu fai ha fo'i ngaue, teu tu'utu'ukina au pea teu fakafoki e ngaue he ko e mala ia ka au mo hoku famili, 'ete ma'u ha kakava 'oku 'ikai kete ngaue'i. Fakatauange ke malama mai ha maama ki he kau mahamahaki koeni kenau me'a atu aa ki 'api he ku fele 'a kakai mo'ui lelei kenau ngaue'i hotau fonua.
-
FAKA-NGATANGATA 'A E TOKONI MO'UI LELEI KAU FALE ALEA...Ko e faka-temokalati totonu (vahevahe tatau ne Malanga 'aki 'e 'Akilisi Pohiva) ke 'oatu 'a e tauhi mo'ui lelei 'o e kakai ki he kau Fale Alea. Kenau 'uluaki tokoto 'I Vaiola kenau ongo'i 'a e tu'unga 'o e tauhi mo'ui lelei 'o e kakai.
Totonu kenau totongi ki ha'a nau malu'i mo'uli lelei (health insurance) ke tauhi 'aki kinautolu 'i ha'a nau puke.
Ka e kamata 'aki ha'a nau sivi mo'ui lelei pea nau toki ma'u ngofua kenau lesisita Fili Fale Alea. -
Full pay, full bills paid and full per diem for more than a month? You must be joking!!! The per diem alone at Minister's level is about $700-$1000 a day, plus full ministerial salary, plus hospital bills etc. etc. I don't want to do the calculations.
Can someone also do the calculations for the payments to the pm while on medical check at PAKnSAVE Auckland?
What about siaosi's and pive's consultancy fees as international consultants messing up our exam and curriculum systems at the Ministry of Education and Training, can someone do the calculations here please. -
'Oku fu'u fakavalevale fau 'eni pea ke tau fili ha kakai 'oku mo'ui lelei kae lava ke lele lelei 'a e fonua.
-
ko e moto ia o e PTOA ko e 'ofa pe ki he PTOA hala ha 'ofa ia ki he kakai masiva.