Menu
cache/resized/dfa08ace4dc90f111dda1653dc2a597e.jpg
Paloveape 'o e Uike "Poto hono lau ka e vale ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
Latest News

Liliu Mafai Pule: Vave mo e Māmālie Featured

Helu Helu

Liliu Mafai Pule: Vave mo e Māmālie

Fa’u ‘e Helu (Siosaia Langitoto)

Koe Liliu koe tefito’i natula ia ‘oe maama ko eni. ‘Oku Liliu e me’a kotoa: vaveange pea lalahiange ni’ihi ‘ihe ni’ihi, tatau ai pe ia pe ‘oku tau loto pe ta’eloto kiai.

‘Oku tau monū’ia he ‘oku ‘iai e ngaahi me’a ‘oku tau pule kihe ‘enau Liliu, hange’ koe fakangata ‘oe mo’ui ‘a ha ki’i lo (ant) ‘oku si’i totolo hake ‘i hoto nima: momosi ke mate pe tafi’i pe tuku pe ke hoko atu ‘ene fononga, koe me’a pe ia ‘a’ata.

Koe Liliu Mafai Pule ‘oku hoko ia ‘ihe vaha’a ‘oe Pule pea moe Kakai pea koe taha ia e ngaahi me’a ‘oku tau pule pe kiai. ‘Oku tau teke ‘ihe ‘e tau loto kiai pea tau malōlō ‘o kapau kuo tau pehe’ kuo fe’unga. ‘Oku ‘ikai ke ‘iai ha fo’i tu’unga ia ‘oku pau ke tau a’u ki ai. ‘Oku fai’aki pe ‘e tau ‘ilo mo ho tau loto.

‘Oku tau fakakaukau ki he Liliu ‘o kapau ‘oku ‘ikai ke tau fiemalie ki he me’a ‘oku lolotonga hoko pe ‘oku tau misi ki ha me’a leleiange ‘e hoko mai ‘o kapau te tau Liliu.

Koe lelei ‘oku tau fakataumu’a kiai koe lelei fakalukufua ma’a e Fonua. ‘Oku ‘ikai koe lelei pe ma’aha ni’ihi ka koe lelei ‘oku fakakatoa. Koia ‘oku pau ai ke tau sio kihe ongo tafa’aki ‘o vakai’i ‘ae me’a tena fakatou fiemalie kiai, Pule moe Kakai.

Koe Liliu ko ‘etau hiki mei he tu’u’anga ‘oku tau lolotonga ‘iai ki ha tu’u’anga fo’ou.

‘Oku hange’ ko ha sitepu, ‘ote kaka ki ‘olunga ‘o tatau pe mo ha Liliu ‘oku hifo ki lalo. Kaikehe, ko’ete fetongi sitepu ‘oku te hiki ki he levolo fo’ou pea ‘oku muimui mai ai ‘a e polopalema fo’ou.

Ma’olunga ange Liliu koe lahiange ia ‘oe polopalema ‘oku ‘ikai ha’atau alāanga moia pea faingata’a ke vete pea iku ‘one kūmoa kitautolu. Koe Liliu fakafe’unga pe ‘e hoko mai e polopalema ‘oku tau ala maheni pe moia pea ‘e faingofua pe ke tau ‘ilo hono faito’o.

Koe Liliu Vave koe kaka he sitepu ma’olunga ‘ihe vaha’a taimi nounou pea ‘e ala hoko ai e fa’ahinga polopalema ‘oku ‘ikai ke tau alāanga moia ‘o hange’ koia na’e hoko ‘ihe ta’u 2006 ‘aia na’e tutu ai a Nuku’alofa ni.

‘Oku ou manavasi’i ‘aupito he koe me’a tatau pe ‘oku hoko ‘ihe ta’u ni ‘ae feinga ke fakavave e liliu pea neongo na’aku ma’u faingamalie keu fai e fakamatala koeni mei he OBN ‘ihe 2006 ka na’e ‘ikai hano ivi kene ta’ofi e ‘oho mai ‘a

e polopalema ne hoko ‘o vela ai ho tau Kolomu’a.

Koe mafai koe me’angāue pe ‘o hange’ pe ha me’alele, kuopau kete ako kete lava ‘o faka’uli mo mapule’i ‘ae loli pickup pea te toki ala kihe loli taulani he ka ‘ikai tete iku hua’i ‘ete uta ‘iha feitu’u ‘oku ‘ikai fiema’u ke fakahifo ai.

Koia ‘oku ‘ikai ha ‘uhinga ke tau to’o konga lalahi he ‘oku fiema’u ke tau ako ki hono ngāue’aki pea koe taha ia e ‘uhinga ‘oku mahu’inga ai ke tau Liliu fakakongokonga iiki.

‘Oku faingata’a ke tau ako ke ngāue’aki ha mafai ‘oku konga lalahi ka ‘oku faingofuaange ke momoiki pea tau toki kaka mei ai.

Kaikehe, ‘oku ou tui koe me’a kuo tau ‘inasi ai kuo fe’unga ‘anoa pea ‘oku ‘ikai ‘uhinga kia teau ’ae kei taukave ‘ae kakai ‘e ni’ihi kenau toe vavae mai e mafai.

14 comments

  • Mark Hanson
    Mark Hanson Thursday, 19 October 2017 13:39 Comment Link

    'Oku 'ikai foki 'uhinga e tokolahii (majority) pea tau pehee koe tonu ia pe koe leleitaha ia. 'Oku malava pe ke tau muimui he tokolahi pea tau toki fakatokanga'i hake na'e tui e tokolahi ia ko ai ki he me'a hala. Ko 'etau palopalema'ia he 'aho ni ko e pehe koee koe loto ia e tokolahi. Koe me'a 'oku tonu ke fai koe fakahoko e ngaahi tu'utu'uni moe nngaahi ngaue 'oku fakapotopoto mo fakataumua' ki he lelei moe maau fakalukufua ae fonua. Na'e fiema'u 'ehe tokolahi he 2006 ke fahahoko fakavave e liliu, pea na'a nau tutu ai mo faka'auha a Nuku'alofa, pea koe tokolahi 'oe kakai na'a nau fai e ngaue pango ni na'e 'ikia ko ha kau Nuku'alofa pe ko ha kau pisinisi 'I Nuku'alofa. Na'a nau omi pe 'o tutu, faka'auha, kaiha'a pea nau hola ki honau ngaahi takitaha kolo, kae faingata'a'ia e kakai kehe. Koe go ia with the majority.
    Ka na'e kole mo loto atu e tiokolahi ke 'oua 'e kaniseli e Pacific Games, kae kaikaila pe tokotaha ia 'oku ne ma'u e paoa ke kaniseli, pea na'e kaniseli. Koe ha leva e 'uhinga 'oe majority 'oku mate kikivi mai kiai e kau ta'emahino?

    Report
  • Helu
    Helu Wednesday, 18 October 2017 22:26 Comment Link

    Koe Kalusefai ‘o hotau fakamo’ui koe talanoa matu’aki mahu’inga pea ‘oku ou faka’ofa’ia ‘ia Pailato ‘ihe’ene ‘ilo kihe tonuhia ‘a Sisu ka kuopau kene fai e me’a koia na’e kaila tokolahi atu kiai e kakai ‘oe fonua (majority). Koe “Bias” ko Pailato he na’e ‘ikai kene ‘oange ‘ae mo’oni ‘o hange’ ko’ene ‘ilo “Na’e ‘ikai ha hia ‘a e Tangata ni” ka na’a ne filifilimānako he’ene ilifia he fu’u kakai ‘o ne fanofano ai.

    Report
  • Lolohea Tonga
    Lolohea Tonga Wednesday, 18 October 2017 18:20 Comment Link

    Malo lahi Helu hono vete'i 'o toe fa'ataaange pea mahino ngofua ki si'a fa'ahinga ne kei fu'u tokalingolingo fuoloa ai 'a e ta'emahino ki he liliu fkpolitikale. Ko e mo'oni lahi ho'o lave ki hono fakavave'i 'o ha liliu pe ko hono fkmalohi'i 'o ha liliu ko e koto polopalema fau 'a eni kuo tau maataa tonu he ngaahi 'aho ni. 'Oku 'ikai 'uhinga e teke tokolahi'i e liliu ia ke suffer ai 'a mui si'a kakai ange he ko e tokolahi si'o tau kakai 'oku nau teke malohi mei mui ki he liliu ko e koto mohe misi ki he kaha'u. Malo lahi

    Report
  • Falakiko Vahe
    Falakiko Vahe Wednesday, 18 October 2017 10:40 Comment Link

    Oku fakaofoofa aupito e ngahi vete fakapatonu kihe issue ko eni kae pango he oku aafe peia kihe taumua fakafoituitui(opinion and intention) ae tokotaha ko eni.Oku lahi e kakai tenau meimei tui kihe lau ko eni ka teu toe kii tuu o fehui.Kapau koe tokolahi taha oe kakai oe fonua(majority) oku nau loto kihe liliu pea ke fakavavei, teu tui nai kihe article ko eni pe koe mea oku tui kiai e majority oe fonua???.Should we universalise believing such a bias article or going with the majority????

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top