Menu
cache/resized/fcc387c5ab15cde71052b8c82f3e405f.jpg
Lotus Motors Me'alele fo'ou mo sekeniheni ...
cache/resized/fa6eb631649e351582fb6945b9ca2518.jpg
Ko e paloveape 'iloa 'eni pea 'oku 'uhinga kiha ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
Latest News

Founga anga maheni ‘a ‘Akilisi: Ofi pe fili li’aki kau muimui mateaki Featured

Founga anga maheni ‘a ‘Akilisi: Ofi pe fili li’aki kau muimui mateaki

Tohi Ki he 'Etita

Founga anga maheni ‘a ‘Akilisi: Ofi pe fili li’aki kau muimui mateaki

Kolofo'ou

2 Sepitema, 2017

Tangata'eiki,

Óku íkai fai ha ofo he ngaahi ngaue kuo hoko hotau fonua ni, ó hange ko eni ko hono fekau é he Palemia ki hono tokoni pea mo e Minisita Paánga ke na fakafisi mei hona lakanga.

‘Úluaki óku í ai pe 'a e mafai ia 'o e Palemia ke ne fokotuú ki he Tuí ke fakahifo ha minisita. Ka tau kií sio atu angee ki he vahaá taimi na'e faai fononga mai ai e Palemia lolotonga he taú ko eni é 30 tupu.

Na'e lahi 'a e kau tangata na'a nau ngaue fakataha mai naá ne tukuange ó hange pe ko eni óku hoko. Ko e kau tangata hange ko Laki Niu, Úhila Liavaá, Dr. Feleti Sevele, Ísileli Pulu, Sunia Fili, Dr. Uili Fukofuka, Dr. Sitiveni Halapua, Dr. ‘Aisake Eke mo hai fua.

É íkai loi mai taha na'e tokoni lahi 'a e kau tangata ko 'eni ki he Palemia he taimi na'a nau ngaue ai ka naá ne kei tukuange mo tukuakií óku íkai ke nau kei tui tatau kae pehe mai 'a e kau tama koia 'Akilisi kuo ke mavahe mei he kaveinga.

É íkai teu ofo he óku nau takitaha pe moóni ka koe meá óku ási mai hange koe lea á e kau papalangi “Use and Abuse” pea 'oku íkai keu fuú lava ke faka-Tonga leleií ka óku hange koe ósi pe áonga pea liáki koe koloa pe ke aúsia é 'Akilisi 'a e taumuá mo e meá óku ne fakaámu ki ai.

Na’e piki maú á Siaosi Sovaleni mo Tevita Lavemaau he fili Palemia 'o e 2014 ía Ákilisi, hoko mai mo e Vote of No Confidence mo e toe maú ange éna piki mo e ófa he motuá Palemia.

Ko 'eni kuo ósi hona áonga pea lea leva hono ákahi kinaua. Tonga mou 'ofa mai aa 'o fakakaukau lelei hoó álu ki he Fili, kohai tene óhake kitautolu ki ólunga mei he luo ko eni kuo tau to ki ai?

Fili fakapotopoto pea fili e kakai poto kae tuku atu aa e ngaue fuoloa he koe taú eni é 30 tupu teéki ai ke ne faú ha foí Lao é taha. Tau manatu ki he tama fuhu ne óva he taú é 30 éne fuhu, pea koe kole atu ee hono foha ki ai Teti ái aa ka ke malolo mei he fuhu he kuo ke motuá.

Pehe mai e tangataéiki, motuá pe sino ka kou taukei ange au he ki'i leka foou ko'ena mo kei si'i pea 'ikai taukei ko 'ena 'oku ma teu milimilisino. Toe pehe atu 'a e foha, Teti kuo holo mo hoó fakakaukau,pehe hifo e tangataéiki álu naá teu silafa koe mo e fiepoto.

Ko e fakaaoli he na'e ta 'a e takai úluaki kei feinga motuá ke fakapoi mo tauhele úlu, tuúsi e mataú, huka mo e uppercut hono hoa fuhu kei si'i mo 'ikai taukei pea teéki ai ke li atu e tauveli kuo hange mai 'a e motuá ha fuú peka (Hufanga he fakatapu) éne fihia mai he maea ‘o e malaé fuhu.

Faka’apa’apa Atu.

‘Ata Ki Tu’a

Kolofo’ou

4 comments

  • Kata
    Kata Tuesday, 05 September 2017 15:22 Comment Link

    Nepot T _ Ko e fu'u kata le'olahi atu. 'E mate 'a Samiu Vaipulu he kata ka 'oku toe kata lahi ange 'a Dr. Eke ia. Ko e mo'oni eni e lau 'a e lea 'a e Palangi - ko 'etau kata mo kata ka koia 'oku kata faka'osi ko e fo'i kata to atu ia. He who laughs last, laughs best.

    Report
  • Nepote T
    Nepote T Monday, 04 September 2017 14:23 Comment Link

    'Ofa pe 'oku 'ikai kata le'olahi mai a Samiu Vaipulu ia mei honau 'api e.

    Report
  • Mark Hanson
    Mark Hanson Monday, 04 September 2017 13:28 Comment Link

    Kuo tau manatu ki he holo 'ae ongo fu'u twin tower 'o Niu 'Ioake!!
    Na'e 'iai hona fiangamalie ke tuku ki tu'a e motu'a pm-keateika ki tu'a he vote of no confidence, ka na'e malohi ange foki e manumanu, siokita moe fie ma'u mafai, pea ko ena kuo kapusi kinaua. Ka koe lesoni ke ako mei ai e kau kapineti ne ki'i lelei ange 'enau ako. Ka 'ilo leva ha kovi mo ha fehalaaki pea afe mei ai pea feinga ke ta'ofi. Koe kau minisita ako lelei ko ena 'oku kei toe 'I loto, mou hola kei taimi na'a hanga atu e fu'u puti e siana.

    Report
  • Fihaki
    Fihaki Monday, 04 September 2017 09:40 Comment Link

    Na'e 'ikai puli 'a 'Akilisi ia ki Tonga ni mo 'ene founga, 'ikai keu mahino'i pe koeha ne mo piki ai ki he Siana, pea kapau na'e 'iai ha'amo 'asenita fakaekimoua pe na'a ne teketeke kimoua kemo fili ai a Akilisi ke Palemia, pea kuo mo a'u pe kiai, he ko e me'a 'oku hala 'e 'alu hala pe ia 'o ta'engata. Mo fiefia moua 'oku 'iai e taimi ke mo nofo 'o toe vakai'i e ngaahi fehalaaki ne mo fakahoko 'oku tukuaki'i kiai kimoua pea mo tafoki mei ai.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top