Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Totonu ke totongi ‘e he Palēmia mo e Kapineti loea ki he hopo Sipoti 2019 Featured

Totonu ke totongi ‘e he Palēmia mo e Kapineti loea ki he hopo Sipoti 2019

Tohi Ki he 'Etita

Totonu ke totongi ‘e he Palēmia mo e Kapineti loea ki he hopo Sipoti 2019

 Tangata’eiki,

‘Oku fu'u fakaloloma ‘a e fanongo ki hono tuku mai ‘e he kau ngaahi kautaha ongoongo ‘oku haea mai ‘ehe Pule’anga ‘a e loea Nu’usila koia ko Dr. Rodney Harrison ke fakafofonga’i kinautolu ‘i he hopo mo e Komiti Sipoti ‘a e Pasifiki.

Ko e toki me’a ‘eni ‘oku ui ko hono kole ‘o e faingata’a ki he fonua he na’e mahino pe ‘a e me’a ‘e hoko kae fai pe ‘a e vili ta’e’unua.

Neongo ‘oku ‘ikai mahino ‘a e tu’unga ‘o e hopo ni ka kuo mahino ‘e ‘ikai toe si’i hifo he lau kilu ‘a e fakamole ‘e totongi ‘e he Pule’anga ki he loea Nu’usial ko’eni.

‘Oku toe fakaloloma he ‘oku ‘i ai pe ‘etau kau loea hange ko e ‘Ateni Seniale pehe ki he kau loea ‘a e Va’a Fakahinohino Lao ‘a e Pule’anga ka koe hā ‘oku ‘ikai ngāue ‘aki ai kinautolu.?

Kaikehe ‘oku toe fakaloloma he ka ‘ulungia e feinga ko’eni pea koe toe hilifaki pe ki he kakai mo e tukuhau ‘a e fonua.

‘Oku totonu ke totongi pe ‘e he Palēmia mei hono vahenga ‘a e loea ko’eni he na’e ‘osi fale’i kae ‘ikai pe fie fanongo kiai.

Ka ‘ikai pea to’o katoa vahenga kau memipa ‘o e Kapineti ‘o totongi ‘aki ‘a Harrison.

Faka'apa'apa Atu,

'Eliesa Fifita,

Kolomotu'a

 

10 comments

  • Nuanga
    Nuanga Friday, 04 August 2017 08:30 Comment Link

    Fakatupu fifili 'a e tohi ni he oku lahi e ngaahi fehui ia ke tali ka e kataki mua ha taha kene veteki mai ange eni ke mahino ki he tokotaha ni.(1) Koe Kosilio a e Sipoti oe Pasifiki ko hai oku kau kiai? (2) Ko hai koa e kau mau inasi he tupu e mau he sipoti SPG (3)Kapau e ikai mau ha tupu kae mole oku kau nai e Komiti Sipoti ko eni hono fua? tokoni mai mua ke mahino kiate au he oku ikai mahino ia.
    Malo

    Report
  • Danny Australia
    Danny Australia Friday, 04 August 2017 01:42 Comment Link

    Koe mea oku hoko kihe PM koe Lotokovi, Ta'etokai'i , Ta'efieto Ka oku totonu ke sio kihe fuu paanga koia e totongi aki ae Loea e alu ia moia ki Nu'usila ka na'e totonu ke nofo pe ae paanga koeni 'I Tonga ni kapau tene faka'aonga'i ha Loea pe 'I Tonga ni

    Report
  • Mark Hanson
    Mark Hanson Thursday, 13 July 2017 17:10 Comment Link

    Koe pule'anga ko eni 'oku 'ikai ke nau sai'ia ke fiefia mo ma'u ha monuu e kakai fakalukufua he 'oku fepaki ia mo 'enau tui faka-kominiusi moe faka-maakisisi. 'Oku nau pehe pe 'e nautolu ko nautolu pe 'oku tonu taha pea koe me'a kotoa pe ke fai ki he 'enau fiema'u. Koe faka'ilonga ia 'oe kakai na'e tupu popula fakasosiale mo fakapa'anga.

    Report
  • Lowe
    Lowe Thursday, 13 July 2017 15:07 Comment Link

    Koe fatongia ia 'a e kau Loea ko hono vakai'i pe na'e maumau'i 'e he pule'anga 'a e aleapau moe SPG pea 'oku fai ia ki falehopo.
    Koe palopalema ko 'ena koe "SELF VICTIMIZE " ne vave 'ene mafola 'o pihia ai e tokolahi 'a e fonua. Koe kovi taha koe fa'ahinga kakai koe 'oku nau ma'u 'a e "Very high external locus of control". These people are never satisfied with any situations and they always in a negative atitude. They quick to blame others for nothing and reasoning other's actioncs,etc. Fakatata mahino pe ko 'ete to koe he sivi pea te tukuaki'i 'e kita 'a e faiako.
    Fo'i ngaue lelei 'a e pule'anga motu'a hono feinga'i mai 'a e sipoti kae pango 'oku tau hoko koe victim 'i he self victimized 'a e pule'anga lolotonga 'o ngaue 'aki 'a e 'ekonomika.
    Koe pule'anga poto 'oku mu'omu'a ma'u pe 'a e fiefia 'a hono kakai 'i ha toe me'a. He'ikai ma'u ha fiefia ia 'i he fakahaofi pa'anga 'oku fai 'o fakatatau ki he fiefia na'e mei ma'u 'ehe fanau sipoti moe kakai 'a e fonua mei he sipoti. 'E kei masiva pe 'a Tonga ia tatau pe pe na'e fakahoko pe 'ikai fakahoko e sipoti, koe masiva tatau ai pe. Ko e pa'anga 'oku tala 'e fakahaofi 'oku mo'oni 'a e lau......nothing more than a cog in a wheel that goes nowhere.

    Report
  • Vavau Lahi
    Vavau Lahi Thursday, 13 July 2017 09:31 Comment Link

    Ko 'etau kei loloa ko e 'ikai ke fei mo fai e faka'ilo pea nau ha he fakamaau'anga. Koe 'isiu mahu'inga pe na'e 'i ai ha aleapau pe 'ikai, na'e 'i ai ha maumau, ne uesia nai e mamahi he ngaahi maumau ko ia pe 'ikai. Ko e 'elemeniti mahu'inga pe ia 'e 3 'e fai ai e hopo, 'ikai toe 'i ai ha toe me'a fakapoto kehe ia. Kaekehe, tau toki sio mo fanongo pe pe ko e ha ha lau 'a CJ Paulsen.

    Report
  • tiny
    tiny Thursday, 13 July 2017 06:43 Comment Link

    Ka tanaki fk-katoa 'ae mo'ua hono haea e loea mo hono ta'ofi e sipoti 'oku kei to nounou pe ia he fu'u mo'ua kapau na'e fkhoko mai e PG ki Tonga ni. Ko e 'uluaki me'a ke fai 'e he Nepituno (1) ko hono tuku mai e tohi launga 'a e PG ke siofi pe na'e breach 'ae contract 'e 'Akilisi mo e pule'anga, (2) Breach of covenant of good faith and fair dealing, (3) Unjust Enrichment, (4) Civil Conspiracy.
    Ko e me'a ko ee 'oku mahu'inga ko hono siofi ee tohi launga 'ae PG pe 'oku fetaulaki mo e cause of action, pea ka 'ikai, ko e koto puha 'ea mo e veve!

    Report
  • Vavau Lahi
    Vavau Lahi Sunday, 09 July 2017 15:06 Comment Link

    Kuo hange 'a Harrison ia ha 'otua. 'Oku ou tui au ki he fokotu'u ko ena ke haea pe 'a Vuna ia, 'Akilisi & Solomone Palu he ko e kau loea 'iloa ia 'i Tonga ni. Ne faka'ilo 'e 'Akilisi 'a e Tonga Seti 'o nau hao. Ne loea'i 'a Solomone Palu pea malo pe 'ene hao ta'e tautau. Ko Vuna leva ko 'ene mgaahi hopo 'iloa pe he fakamaau'anga polisi.

    Report
  • Lowe
    Lowe Friday, 07 July 2017 15:06 Comment Link

    Ko Pohiva mo Harrison, mahalo pe koe ongo kaungame'a mamae,.'iIkai pe toe 'iai ha founga kehe. Na'e toki fakapaasi ni atu 'a e patiseti lekooti taha hono lahi pea 'okui ngali fiemalie pe pule'anga he 'e lava pe ke totongi ha mo'ua. Ka koe si'i kakava ai pe 'o e kakai. Saisai pe 'a e kau ngaue 'i Tonga he 'oku nau ki'i fiemalie ange ka koe kau Tonga koe 'oku ngaue 'i he ngaahi fonua 'i muli 'oku matu'aki ongo 'aupito. 'Oku nau ngaue 'e ua mo tolu he taimi 'e taha, pe koe 7/24, 'uha moe la'a, momoko moe snow, etc koe feinga ke fakalato 'a e fiema'u 'a e famili, Talafi atu ki'i seniti tokoni ki he takitaha famili 'i Tonga, etc. Tau 'osi 'ilo kotoa pe ki heni.
    Koe tokoni ko ia 'a e ngaahi fonua muli kii he fanga ki'i fonua 'o e Pasifiki hange ko Tonga, 'oku kau ai 'a e tax 'oe kau ngaue ni. Kapau 'oku 'ikai ongo 'eni ki he kau taki ni pea tuku pe, he koe ma'olunga ange 'enau kaka koe le'o lahi ange ia 'a e ki'i fo'i topai he taimi te nau pa'ulu ai.

    Report
  • Talakai Finau
    Talakai Finau Friday, 07 July 2017 14:24 Comment Link

    Fokotuu atu ke ai a Akilisi mo Solomone Palu kena loea'i e Pule'anga he na'a na loea'i pe hopo ngutulau e taha ki mu'a.

    Report
  • Meheka
    Meheka Friday, 07 July 2017 13:09 Comment Link

    Malo e fktupu fkkaukau pea mo'oni lahi ka tau halaia (100% it will be the case) koe lau ngeau miliona ke totongi 'ehe fonua kihe me'a na'e 'osi palani pe 'e 'Akilisi ke hoko koia ne fetongi ai mo Fifita 'o hiki atu kihe Internal Affairs ke fai e fo'i tamate koeni 'o 'ikai mate tokotaha a Sevele kae mate kotoa ai e fonua. Ko'eku fehu'i koeha 'oku 'ikai 'omi ai a Clive, Niu, Tupou, ongo Taumoepeau moe kau loea private kenau siofi e me'a ni fktaha moe kau loea 'ae pule'anga.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top