Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Fiema’u ha kau loea ki he ‘Ofisi Palēmia: Feme’a’aki ‘i he Patiseti Featured

Fiema’u ha kau loea ki he ‘Ofisi Palēmia: Feme’a’aki ‘i he Patiseti

28 Sune, 2017. ‘Oku malie foki ‘a e feme’a’aki ‘a e Fale Alea fekau’aki mo e patiseti ‘a e fonua neongo ‘oku numi’i mai ‘a e ngāue lahi mo mafatukituki ko’eni ko’eni ke fakahoko pe ‘i loto ‘i he ngaahi ‘aho si’i pe.

Ko e me’a ‘oku malie heni koe feme’a’aki fekau’aki mo e patiseti ‘a e ‘Ofisi ‘o e Palēmia mo e fiema’u ha kau loea kenau ngāue fakalao 'i he ‘Ofisi ‘o e Palēmia.

‘Oku mahino mai ko hono toki fokotu’u ‘eni ha me’a pehē ‘i he ‘Ofisi ‘o e Palēmia pea koe fakakaukau fo’ou ‘eni ‘a ia ‘oku malava pe ke fehu’ia hono ‘uhinga makatu’unga he’ene fo’ou.

Na’e fehu’ia foki ‘e he Hou’eiki mēmipa ‘o e kakai mo e Hou’eiki Nōpele ‘a e fokotu’u ko’eni mo hono fiema’u ke fakapa’anga ha kau loea kenau ngāue taafataha pe ki hono fale’i ‘o e Palēmia pehe ki he ngaahi ngāue fakalao kehe pe ‘a e ‘Ofisi ‘o e Palēmia.

Ko e fokotu’ut lelei pe foki ‘eni ka ‘oku anga maheni ‘aki pe foki ‘i he fa’unga ‘o e Pule’anga koe fatongia ia ‘o e Va’a Fakahinohino Lao ‘a e Pule’anga (Crown Law) pehe ki he ‘Ateni Seniale ‘a hono fale’i ‘a e Palēmia mo e Pule’anga pehē ki hono fakahoko ‘a e ngāue fakalao ‘a e ngaahi Potungāue ‘a e Pule’anga 'o kau ai hono fakafofonga'i kinautolu 'i ha fakatonutonu fakalao.

Na’e fehu’i foki ‘e Lord Nuku ‘oku matamata ‘a e fokotu’u ia ko’eni ‘o hange nai ‘e hopo pe ‘a e ‘Ofisi ia ‘o e Palēmia he ‘aho kotoa makatu'unga he lahi 'o e pa'anga 'oku fiema'u ko'eni ka na’e taukave’i foki ‘e he Minisitā Lao ‘oku fu’u fiema’u ‘eni fakatatau ki he fatongia 'o e 'Ofisi 'o e Palēmia.

‘Oku fehu’ia ‘i he taimi tatau foki ‘a e toutou me’a ‘a e Palēmia ke tuku fakatafa’aki ‘a e lao pea mo e toutou maumau lao kuo fakahoko ‘i he Pule’anga mo e fonua pea ‘oku ‘i ai ‘a e fakaukau ‘a e tokolahi na’a ko hono fakapa’anga ‘o e kau loea ko’eni ke tokoni ki he toutou hopo ‘oku hanganaki mai mei mu’a.

Kaikehe ‘oku mahu’inga foki ‘a e fakakaukau ko’eni ‘okapau ‘e ‘aonga pea tali ‘a e fale’i fakalao ‘e ‘oatu ‘e he kau loea ko’eni ki he Palēmia mo hono ‘ofisi.

‘Oku ‘uhinga pe foki ‘a e hoha’a ia ko’eni ‘o fakatatau mo e pēteni ‘o e fakahoko fatongia ‘oku fakahoko ‘i he fonua mo e lahilahi ‘a e hono tuku fakatafa’aki ‘o e lao pea kuo fakamo’oni’i ‘ene toutou hoko.

'I he taimi tatau 'oku fai 'a e ‘amanaki koe ’epoki fo’ou ‘eni pea ‘oku 'i ai 'a e fakatauange ‘e ‘aonga foki.

10 comments

  • Ngalufoou Mahe
    Ngalufoou Mahe Monday, 03 July 2017 12:33 Comment Link

    Mou tokanga atu ke sii atu haane kau loea he kuo fuu lahi pe ngaue ia kiai. He ko e misiona uluaki ki he kau Loea koena ke feinga'i a Etuate Lavulavu ke moua he kuo toe fai si'ono anga he lolotonga pe ene pule he mala'etapulu, ki hono fakaikiki kataki kuo mei takai mai hhhh

    Report
  • Mark Hanson
    Mark Hanson Saturday, 01 July 2017 10:38 Comment Link

    What else is new in this government? They've been dismantling establishments, structures and processes since they came into power. Tonga is now a very big kindy run by a very unqualified nanny and his team of incompetent wet-nurses.

    Report
  • Concerned
    Concerned Friday, 30 June 2017 22:54 Comment Link

    Mani ee! Now that His Majesty has appointed new law lords, the current administration wants the same for themselves! We could be heading towards a redundant Attorney General and Crown Law. It's obvious that the current administration is dismantling proven established structures in government to ensure grasp to power. And again, another selfish move by the current administration.

    Report
  • fakaninimo
    fakaninimo Friday, 30 June 2017 20:42 Comment Link

    Kuo taimi kihe kau fale'i fklao ko 'ena Mark kenau kataki 'o tuku fale'i kotoa moe fkmole pa'anga.

    Report
  • Mark Hanson
    Mark Hanson Friday, 30 June 2017 09:40 Comment Link

    'E fie'ilo, he 'oku te'eki ai koaa ke a'u ho'o fie'ilo kihe fu'u kau fale'i ke tukufakatafa'aki e lao 'oku fakafonu he 'ofisi palemia moe kapineti? kamata pe mei he sekeli kapineti, 'ofisa ma'olunga pule paaka na'e 'osi dismiss mei he ngaue fakapule'anga pea toe hu lalo uaea atu he sekeli, mo hai fua. Ka 'oku ke mo'oni, mahalo koe 'ai pe ke fakatokolahi atu e kau fale'i ta'efakalao ke lava ha timi tapulu-tahi moha kau papakiu paaka veve. Mahalo 'e kau atu kiai moe loea fefine he potungaue tanaki pa'anga mo hono hoa.loea.

    Report
  • Aisea Matiu
    Aisea Matiu Thursday, 29 June 2017 21:02 Comment Link

    Malo mu'a 'Eliesa hono ke i tauhi hotau ha'ofanga mo e matanga ka e tuku pe mu'a ke fai ha huhumama he kaveinga kuo tala mo fakaha mei he 'Ofisi 'o e Prime Minister (PM) mo e Pro-Democrat (PD) ki mu'a ka e PM ki mui!

    'Oku 'i ai 'a e lea paloveape faka-Tonga ko e "hange ha limu 'oku tu'u i 'au" 'o 'uhinga ka tafe 'a e 'au mei he ko 'ena malele fakataha ai pe pea ka tafe 'ae 'au mei he ko 'ena malele fakataha ai pe.

    'Oku to e 'i ai mo e lea poloveape faka-Tonga ko e "fakalanulanu 'o hange ha feke" 'o 'uhinga ki he feliuliuaki 'a e lanu 'o e feke ke lanu tatau mo hono 'atakai ko e founga ke ne malu'i ia mo 'ene mo'ui mei he fili.

    'Oku to e 'i ai mo e lea paloveape faka-Tonga koe "kehe 'a e lea he hake pea kehe 'a e lea he hifo" 'o 'uhinga ki ha taha 'oku ne taukave ha 'uhinga 'e taha pea to e liliu ia 'o taukave ha 'uhinga 'e taha.

    'Oku pehe tofu pe ko e liliu 'a e 'Akilisi Pohiva ko e Pro-Democrat (PD) ki he 'Akilisi Pohiva ko e Prime Minister (PM) 'o "hange ha limu tu'u he 'au," "fakalanulanu hange ha feke" mo "kehe 'a e lea he hake pea kehe 'a e lea he hifo."

    'Oku 'uhinga kotoa 'a e ngaahi lea paloveape faka-Tonga ko 'eni ki ha taha 'oku 'ikai nofo ma'u ha feitu'u mo ha fakakaukau ka 'oku heke mo takai mo vilo holo mei he feitu'u mo e fakakaukau 'e taha ki he feitu'u mo e fakakaukau taha.

    'Oku tefito 'ene heke mo vilo takai holo ko e sio pe ki loto ki a kita (siokita, ta'e'ofa mo e kaka) ka e 'ikai ko e sio pe ki tu'a ma'ae kakai 'o e fonua (siokitu'a, 'ofa fonua mo e faitotonu). 'Oku mahino lelei leva 'ene heke mei he 'Akilisi Pohiva ko e PD ki he 'Akilisi Pohiva ko e PM 'o tumutumu he'ene heke mei he DEMOCRACY (pule 'a e tau'ataina) ki he AUTOCRACY (pule fakatokotaha, fakatikitato, fakaaoao mo fakapopula).

    'Oku to e 'asi lelei 'eni he heke 'a e PM mei he RULE OF LAW (pule 'a e lao) ki he LAW OF THE JUNGLE (lao 'a e vaota mo e fanga manu fekai) 'o to e heke mei he PULE LELEI (good governance and good leadership) mo e 'ATAKITU'A, TALIUI, VAHE TATAU mo e FAKAMAAUTOTONU ki he PULE KOVI (bad governance and bad leadership) mo e SIOKITA, TA'EFAKALAO, TA;EFIEAUNA mo e TA'ETOKA'I mo e ha fua.

    'Oku tukuhua'aki 'e he takaua 'o e PM 'oku iloa ko 'Etuate Lavulavu "ko e malie tokua pea to e lelesoni 'ape!" 'Oku malie mo oli mo lelesoni nai 'eni pe 'oku ta'ehuni mo ta'eoli mo'oni mo to e ta'e'ofa lahi?

    Report
  • Oua e Fiu
    Oua e Fiu Thursday, 29 June 2017 20:10 Comment Link

    'Oku tau "Ta pe mo Laka" pea oku malie ma'u pe 'ae fkma'opo'opo 'etau fononga he koe fononga loloa.....pea neongo 'oku ngali fuoloa ka tetau 'IKUNA pe,he koe vaka 'oe Kakai kuo Fai La he koe Palemia 'oe Aho ni 'oku 'ihe Fohe ........Ta kiai....Samuela Akilisi Pohiva !!!.....

    Report
  • fieilo
    fieilo Thursday, 29 June 2017 19:45 Comment Link

    Kuo tau a'u mai kiha tu'unga 'oku fkoli 'aupito 'ae tu'unga fkkaukau 'ae PM. 'Oku ne pehee kohai ia ha Loea poto 'e fie ngaue mo lata 'i 'Ofisi Palemia? Tukukehe kapau koha Loea masoli mo angaua. He kuopau ke fai e fepaki ia, 'iha feinga atu 'ae Loea ke fou he fakalao, kae mio'i atu 'eia ke fou he Lao 'oe Vaota. Na'a ne 'osi feinga tautamate ke tuli'i ta'efakalao 'a 'Aminiasi mei he 'Ateni Seniale pea pusi'i mai 'ehe Fakamaau Lahi. Tafoki hake o tuli'i mo Dr Eke koe 'ikai hiki nima 'ihe VONC. He'ikai ha ofo ia kapau tene mono'i hake hono 'ofefine loea meihe Potungaue Tanaki Pa'anga, 'o hange pe ko 'ene mono'i hake 'a Po'oi ki 'Ofisi Palemia. He taumaiaa 'e toe maa ia, he ko 'ene fkkaukau koe tu'utu'uni kotoape 'oku ne fai, koe tika taha ia, fakatatau ki hono 'atamai. TA'Eoli ee!!!

    Report
  • Mark Hanson
    Mark Hanson Thursday, 29 June 2017 18:53 Comment Link

    'Oku 'iai e loea fefine he Potungaue Kasitomu, na koe 'ai pe ke hiki atu mo ia, ke nau 'osi kotoa kihe 'ofisi palemia. .....

    Report
  • Eliesa Fifita
    Eliesa Fifita Thursday, 29 June 2017 00:10 Comment Link

    Malie tama fo'i 'aliaki ko'eni. 'Oku mahino pe foki na'e feinga e Palemia ke fakahifo 'a e 'Ateni Seniale Le'ole'o pea 'ikai ke lava. 'Oku 'uhinga nai hono vahe'i makehe ha'ane kau loea ke pule kiai pea kenau tokoni ki ha tuli tevolo 'e toe fakahoko pe kuo fakakaukau e taki ke muimui aa ki he lao. Kapau koia pea 'oku 'i ai faka'ilonga lelei.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top