‘Oku ‘ikai faka’ilo ‘a e Nepituno Featured
1 Fepueli, 2017. Kuo lahi foki hono fehu’ia ‘a e ongoongo ‘oku ‘ave holo he mitia fakasosiale ‘oku faka’ilo tokua ‘a e Nepituno Tonga Online News ‘e ‘Etuate Lavulavu mo e ‘Apiako ‘Unuaki ‘o Tonga.
Kuo ‘i ai a e tokolahi kuo nau fetu’utaki hangatonu mai ki he ongoongo ni ‘o fehu’ia pe ‘oku mo’oni nai ‘a e ongoongo ko’eni pe ‘ikai.
‘Oku ‘ave foki ‘i he mitia fakasosiale ‘o pehe tokua ‘oku faka’ilo fakataha ‘a e Nepituno mo e Potungaue ‘Atita fekau’aki mo e ongoongo na’e tuku atu fekau’aki mo e Lipooti ‘a e ‘Atita fekau’aki mo e ‘Apiako ‘Unuaki ‘o Tonga.
‘Oku fie fakaha mahino heni ‘e he Nepituno Tonga Online News ‘oku ‘ikai ke mo’oni ‘eni pea ‘oku te’eki ma’u ‘e he Nepituno ha tikite faka’ilo fekau’aki mo e me’a ni.
‘I he taimi tatau ‘oku ‘ikai mahino ki he Nepituno Tonga Online News pe ko e ha koaa 'a e makatu’unga fakalao ‘e faka’ilo 'aki ‘a e ongoongo ni fekau’aki mo e kaveinga ni.
3 comments
-
Tonu ke faka'ilo pe 'e 'Etuate ia 'a Sita pea faka'ilo pe 'e Sita ia 'a 'Etuate.
-
'Ikai fo'ou e fa'ahinga 'aliaki ko;ena pea 'ofa mai 'Atita tu'u ma'u he 'ikai ke mou mo'ua he lafo no'ia ko'ena kae fakapapau'i ai pe hono faka'ilo ke ako'i e vale na.
-
Koe taha pe 'eni a e fang fo'i fakapatuu noa'ia 'a e tangata ni. Koe ngaahi 'uhinga kuo tuku mai ke faka'ilo 'aki e 'Atita koe me'a ia 'oku ui koe nono'ia moe feinga ke taki e tokanga 'a e kakai.