Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Holomui Tomifa Paea Hopo mo Samiu Vaipulu Featured

Holomui Tomifa Paea Hopo mo Samiu Vaipulu

5 Ma’asi 2014

‘Etita
Nepituno Website
Nuku’alofa

Tangata’eiki,

‘Oku ou faka’apa’apa mo kole heni keke pulusi mai mu’a ‘a ‘eku tohi ko’eni ‘a ia koe ki’i ongoongo pe ‘oku ou ma’u mo loto keu vahevahe atu fekau’aki mo e hopo makatu’unga ‘i he fili Fale Alea kuo tau situ’a kiai. ‘Oku ou tui pe ‘e ‘aonga atu ki he ongoongo ‘a e Nepituno pea ‘ilo kiai e kakai ‘o e fonua.

Na'e lahi foki 'a e ngaahi laulea fekau'aki moe fili ko'eni pea kau ai moe ngaahi faka'ilo mo e hopo pea kuo kamata ke ha mai hono ola. Kuo fakaha ‘e Tomifa Paea ‘e holomui ia mei he’ene hopo ko ia pea mo Samiu Vaipulu ‘a ia ‘oku ‘amanaki ke fakahoko ‘i he ‘aho Falaite ko hono 6 Ma’asi ni ‘a ia ko ‘apongipongi ia.

Ko e hopo foki ‘eni ‘i hono faka’ilo ‘e Tomifa Paea ‘o Neiafu Vava’u ‘a Samiu Kuita Vaipulu ‘o Ovaka mo Neiafu Vava’u ai pe makatu’unga ‘i he’ene tukuaki’i ‘o pehe na’e ‘ova e fakamole ‘a Samiu ‘i he $10 000.00. Na’e kau ki ai foki mo hono tukuaki’i ‘o Samiu Vaipulu ‘o pehe na’a ne totongi’i pa’anga ‘a e kakai kenau fili kiate ia.

Ko e fili foki ko ‘eni na’e fakahoko ‘i he ta’u kuo ‘osi ‘aho 27 ‘o Novema 2014. ‘Oku ‘ikai teu ma’u ki he ‘uhinga lahi ki he holomui ‘a Tomifa Paea ka ‘oku mahino pe foki ‘a e holomui ‘i he me’a koe hopo ‘oku makatu’unga pe he ‘ikai ke malohi fe’unga ‘a e ngaahi tu’unga fakalao ‘oku fakahoko ‘aki ‘a e faka’ilo. Na’e fakaha tonu kiate au ‘e Tomifa Paea ‘i he efiafi ‘o e ‘aho ni 5 Ma’asi 2015 ‘a e ‘amanaki holomui ko’eni pea 'oku langa ai 'a 'eku fakakaukau ke 'omai e ongongo ko'eni ke 'ilo kiai 'a e kakai 'o e fonua pea nau toki fakamaau tuku mei ai.

Malo ‘aupito ‘Etita pea ‘oku ou tui ‘e tokoni atu ‘a e ki’i ongoongo ko’eni ki he’etau ngaue.

Faka’apa’apa atu,
Eliesa Fifita-Tufuenga Kolomotu’a.

Leave a comment

Make sure you enter all the required information, indicated by an asterisk (*). HTML code is not allowed.

back to top