“ Ki'i lahilahi tama e va'inga moe 'ai'ai noa'ia. Na'a tau pehee 'e fili atu e pule'anga ko eni ke nau fakamaatoato'i e ngaahi ngaue 'ae fonua ki he lelei fakalukufua 'ae kakai kotoa 'oe fonua. Ka koe ngaahi fo'i 'aliaki ia ko eni 'oku hange 'oku nau takitaha feinga pe ki he'ene lelei pe 'a'ana. Hange ko hono 'ave koena e Takimamata 'o fakapipiki ki he Infrastructure he malumalu 'o Lavulavu. Koe ha ha kakakunga 'oe takimamata ki he tanuhala moe ngaahi koloa lalahi 'ae pule'anga? Koe fehu'i, na'e 'iai nai ha palopalema na'e hoko kihe Takimamata 'i he'ene 'ihe malumalu ko eni 'oe Potungaue Leipa? Kapau na'e 'iai, koe ha e palopalema? Pea kapau na'e 'ikai, koeha leva e 'uhinga lelei ki he fo'i liliu ko eni? Hange 'oku ha mai eni ia koe fo'i fiema'u pe eni ia 'a Lavulavu ke 'oange ki ai e Takimamata. Kuo 'ilo 'ehe tokotaha kotoa a Lavulavu mo hono hisitolia, 'a ena kuo 'osi lave ki ai e article 'i 'olunga, pea ha he fakamatala 'a CEO Le'ole'o Distaquaine Tu’ihalamaka. Ka koe ha koaa e 'uhinga lelei ki he liliu ko eni? Hange hano tautaufa'ao 'ehe kau tama pe ko hai 'e lahi taha e me'a 'e pule ki ai, pea 'oku mahino 'aupito e 'uhinga 'oku kikivi ai a Lavulavu ia ke 'oange ki ai e Takimamata.
Koe me'a eni 'oku ui koe va'inga; 'e nau o atu 'o va'inga he koloa moe kakava e kakai. Koe leleitaha nai eni 'ae pule'anga ko eni? kuo 'ave ai e ongo potungaue mahu'inga ko eni pea toe lahi mo hono pa'anga ke pule'i tokotaha 'e Lavulavu !!!!
'Oku toe 'iai foki moe toe ngaahi fehu'i kehe 'oku fu'u fiem'au ke tali mai 'ehe pule'anga: Koe ha ha lau 'a e Minisita Leipa ki hono tofi ko eni 'ene portfolio? Na'e loto pe ki ai? kapau na'e loto kiai, koe ha 'ene 'uhinga kiai? Pea kapau na'e 'ikai loto ki ai, koe ha kuo nau fai ta'eloto ai ki he me'a 'oku fiem'au 'e Lavulavu? mo'oni e lau, si'oto 'ofa !!!!
'Oku fu'u asi lelei mai e me'a koe 'ai'ai noa'ia, fakatamulu moe va'inga. ”