“ Malo 'aupito 'Inoke Fotu Hu'akau 'a e tohi lelei 'oku mohu mo fonu he maama mo e mahino mo e mo'oni mo e kelesi.
'Oku malie lahi hono holoki mo veteki faka-Tu'i 'e he Tu'i 'a "loto-falealea" he funga hono mafai faka-Konisitutone mo faka-Lao ko 'ene 'ofa he matu'utamaki, mamahi mo e tangi hono fonua mo e kakai ko e foungafai 'a e MAFAI (he'ene tapalasia mo tamalakia 'a e kakai mo e 'atakai) -- KA E holoki mo veteki faka-'Otua (mo faka-Natula) 'e he 'Otua (mo Natula) 'a "tu'a-falealea" he funga hono mafai faka-'Otua mo faka-Langi ko 'ene 'ofa he matu'utamaki, mamahi mo e hono fonua mo e kakai ko e foungfai 'a e MAFAI (he'ene tapalasia mo tamalakia 'a e kakai mo e 'atakai).
'Oku to e malie ange 'a e faka'ei'eiki mo e angamalu mo e angalelei mo e fa'akataki lahi 'a Natula ka ko e lahi pe 'a e ta'etoka'i mo e ta'ehounga mo e ta'efaka'apa'apa 'a e fa'ahinga 'o e tangata ki Natula (vakai ki he climate change mo e air pollution crises 'i Natula ko e ngaue pango 'a e kakai) kuo ala mai 'a Natula 'o kinikinisi 'o hange na'e toki fai 'e saikolone Leiti Gita ('o kau ai hono holoki mo veteki faka-tu'a-falealea fakataha mo e fonua mo e kakai).
'Oku pehe tofu pe 'a e angafaka'ei'eiki mo e angamalu mo e mo e angalelei moe angafa'akataki 'a e 'Otua 'o Langi mo Mamani (mo Tonga mo e kakai) pea mo e Tu'i 'o e 'Otu Tonga mo hono Kakai ka e ko e fai atu pe 'a e ngaue pango 'a Mamani mo hono Kakai mo Tonga mo hono Kakai 'o nau pahia mo kina pea nau toki kinisi mo uipi kinautolu 'o hange ko e holoki faka'Otua 'e he saikolone Leiti Gita faka-tu'a-falealea 'o Tonga mo faka-Tu'i 'a e faka-loto-falealea 'o Tonga mo hono kakai.
Kuo ongo ki Natula 'i Mamai mo e 'Otua 'i Langi mo e Tu'i 'i Mamai 'a e matu'utamaki mo e mamahi mo e tangi honau fonua mo honau kakai ko e angafai 'a e MAFAI hono tapalasia mo tamalakia 'a e fonua mo e kakai (ka kuo fu'u lahi 'a e tuli mo kui 'a e tokolahi honoau fonua mo e kakai 'o 'ikai ha telinga ke fanongo moha mata ke sio [moha 'atamai ke fakakaukau]). ”