“ 'Ilonga pe ha me'a 'e kau kiai 'a e Palemia 'osi mahino pe ia he'ikai ke ola lelei ia. 'Uluaki na'a ne fili pe 'e ia ia ke ne hoko ko e Minisita Ako pea ne fokotu'u ai 'a e system fo'ou ki hono fakamaaka 'a e sivi 'a e fanau ako. Ko e ha leva e ola ne hoko 'i he'ene fokotu'utu'u fo'ou na'e fai? 'Ikai ke toe tali ia ha toe 'apiako 'i tu'apule'anga 'a e ngaahi ola 'a e sivi 'a e fanau ako Tonga mole ai mo e faingamalie hoko atu 'a e si'i fanau ki tu'apule'anga.
Hoko mai eni ne huu ke tuli 'a e komiti na'e fokotu'u ke nau fai hono langa 'a e ngaahi facilities ki he sipoti ka ne fakalele 'e ia hono langa 'a e ngaahi facilities koia ki he sipoti 'o e 2019. Ha leva me'a ku hoko he taimi ni? Tu'u hake leva ia 'o tala he'ikai ke lava 'o fai mai 'a e sipoti ki Tonga ni koe'uhi ko e 'ikai ke 'i ai ha pa'anga. 'Oku 'i ai pe 'a e pa'anga ia ka 'oku 'osi ia hono totongi 'aki 'a Piveni pea mo 'ene fu'u system ta'engaue.
Na'a ne me'a foki 'i falealea na'e faka'amu ke langa ha mala'e taa pulu fo'ou he ko e mala'e taa pulu lolotonga 'a ia 'oku tu'u 'i 'Atele he 'oku luo 9 pe koaa ia ka 'oku fiema'u ia he sipoti 'a e pasifiki ke luo 18. Neu sio hifo 'i he fakamatala 'a e tokotaha pea mei he komiti 'a e Sipoti 'a e ngaahi pasifiki ne 'ikai ke ne fiema'u 'e ia ke toe langa ha mala'e taa pulu fo'ou he 'oku ne 'ilo 'a e faingata'a fakapa'anga 'oku fe'ao mo e Pule'anga Tonga. Kae hange ko e lau 'a e article 'i 'olunga ne fiema'u pe ke ki'i fakalelei'i pe 'a e mala'e taa pulu lolotonga he 'e lava kotoa pe ai 'a e ngaahi fe'auhi taa pulu. Kaekehe ku fie langa mala'e taa pulu fo'ou pe foki e Palemia ia.
Ko e toki Palemia 'oho'ohonoa taha eni 'i he hisitolia 'a Tonga ni. ”