“ Ko piveni foki 'oku nofo Fisi hono famili, pea ako 'i Fisi 'ene fanau. Pea 'oku ha'u leva ia 'o va'inga vale he ako 'a Tonga ni he taumaia 'e uesia ai 'ene fanau 'a'ana. Ka 'oku 'ikai foki fakatokanga'i 'ehe kau poupou 'o akilisi mo piveni e me'a ko eni. 'Oku tui kuikui foki e kau poupou 'oe tu'i-temo ki he'ene ngaahi loi moe fasitu'u, kae 'ikai ke nau fakatokanga'i koe palopalema ko eni 'oku hoko he ako 'i Tonga ni 'oku ne uesia kotoa e fanau ako 'o kau ai mo 'enau fanau, fanau 'ae kau minisita, fanau 'ae kau falealea, fanau 'ae kakai kotoa pe 'i Tonga ni. Ka 'oku tau faka'amu ange pe 'e hu e laumalie 'ofa faka Kalisitaine moe 'ofa fonua he kau fakafofonga tautefito ki he kau minisita, ke nau fai 'ofa 'enau fakaha loto kae lava ke fakahaofi 'etau fanau mo hotau ngaahi hako mei he fu'u sunami ko eni 'oku 'omai 'ehe palemia kene faka'auha e ako he fonua ni. 'Oku 'iai e kau minisita 'oku ma'olunga 'enau tui fakalotu mo 'enau tu'unga fakamolale moe 'ofa fonua, kou tui kuo nau sio kihe me'a 'oku hoko pea te nau fai e me'a 'oku totonu moe me'a 'oku tui ki ai honau konisenisi. Koe kau minisita ko eni 'oku kau ai a Semisi Fakahau, Dr 'Aisake Eke, Dr Pohiva Tui'onetoa moe ni'ihi kehe pe. Koe fa'ahinga eni 'oku nau pukepuke e mafai ke tamate'i pe fakahaofi e kakai 'o Tonga tautefito ki he fanau ako koe kaha'u 'o e fonua. 'E 'osi ange fili fakaha loto ko eni koe me'a pe 'e tu'u he hisitolia koe fa'ahinga eni na'a nau fakahaofi 'a Tonga, PE, koe fa'ahinga eni na'a nau tuki tapuni e puha mate 'oe kaha'u 'oe fonau. ”