“ FK-MĀLŌ KI HE KAU NGĀUÉ, MO E KOMISONI VĀ MO E KAKAÍ…ki hono fk-ikiiki mai ki he kakaí 'a e fa'iteliha pē 'a Minisitā Lavulavu 'o tāmoloki 'a e laó. 'Oku na 'atamai maumau lao tatau pē mo e Palēmiá: Ke tuku e laó ki he tafa'akí ka e fai 'enau fa'ifa'itelihá.
Ko e anga fk-fulikivanu eni 'a Lavulavu 'oku kātaki'i ngata'a. Ko e ta'e toka'i mo e maumau'i 'o e laó ko e me'angāue maheni 'a e kau pule tikitato mo e fk-pōpula'i (tyranical) 'o e kakaí.
Pea neongo 'a e kumi tonuhia 'a Minisitā Pa'anga Eke, na'e paloti hikinima mo ia ke fk-molemole'i 'a Lavulavu 'i Fale Alea 'i he ngaahi maumau lao ko 'ení. Ko ia 'oku kau mo ia 'i he kākā, he 'oku nau fetuukuaki holo ke tanu 'enau loi mo e kākā'i tuputupu'á 'o e kakaí.
'Oku nau ngaohi kitautolu ko e kau vale, pea 'oku nau potoange pē kinautolu koā. Hoko ai mo 'etau tali loto-tō-ki-lalo aipē 'enau loi mo e kākā (self-fulfillling prophecy) ko 'enau tangutu he sea taki mo e mafai ki he koloa 'a e Pule'angá. ”