“ 'Oku sai 'aupito he fakakaukau 'oku ke 'omai T.'ASi, ka ke manatu'i ko Nu'usila ena ia 'oku ke talanoa mai ai, pea he'ikai teke fakatatau 'e koe a Tonga ki NZ ma'u pa'anga. 'Io, 'oku lolotonga feinga e Potungaue Ako ke 'unu a Tonga ki he founga ko ena, ka 'oku kamata mei he silapa, teuteu'i e kau faiako etc. pea toki a'u ki he assessment. koe liliu 'a NZ ki he system fo'ou ko ena na'e fai ia he ta'u e hongofulu tupu lahi, pea fakamoleki ki ai e pa'anga 'e laui miliona 'o a'u ki he tu'unga ko ena 'oku 'iai he taimi ni. Mo'oni e lau 'a Fahina, tuku pe a Tonga ke feinga he me'a ko eni 'oku fe'unga mo hono ivi moe kakai 'oku ne ma'u, he koe ki'i system sivi ia moe ako na'e 'ohake ai e to'uako 'e fiha pea kuo nau a'u ki he tumutumu e ako moe ngaue, 'o kau ai e fa'ahinga na'e fetukutuku 'o kumi hufanga ki NZ moe ngaahi fonua muli. Na'e 'ikai mei tali kinautolu ke nau ngaue mo hoko atu 'enau ako ka ne ta'e'oua e ki'i la'ipepa na'e o atu mo ia mei Tonga, 'o kau ai a T.'Asi moe fa'ahinga tokolahi 'oku nau lolotonga faiako 'i NZ.. Koe ongo founga ko eni 'oku fai ai e tipeiti 'i Tonga koe ma'u kotoa pe mei NZ, pea koe feliliuaki holo e system ia 'a NZ he ngaahi 'uhinga fakapolitikale. Kuo mei 'asi ha kau politiki ia mo ha founga fo'ou pea afe ki ai a NZ 'o tala koe tonu taha ia, pea tau aafe kotoa ai pe kiai 'o hange koe feinga afe koeni he taimi ni. Kapau pe 'e ma'u mai 'e T.'Asi ia ha $10miliona 'e toe vave ange hono fakahoko e founga lelei ko ena 'oku ne tu'uaki mai. ”