“ 'Oku sai pe foki e kapakapa'i sipi 'iate ia pe, ka ko hono ma'u koee 'o tutu'a 'oku fakatu'utamaki. Ki'i 'ai fakafuofua pe, pea ki'i teletele'i atu e ngako, heu'i'aki ha la'i pele pe la'i lu, moha me'akai palanisi foki. Mo'oni a Mosese, talu 'etau tupu moe kai sipi, ka koe palopalema pe ngaahi 'aho ni koe ma'u 'o lahi, ta'epalanisi e me'atokoni, pea kau lahi foki ki ai moe ma'u me'atokoni he po'uli, tautefito kihe tu'apo 'alu ai ki he hengihengi - taimi faingata'a ia kihe sino ke momosi mo 'ave e me'akai-'ova kihe potu 'oku tonu ke 'ave kiai.
'Io pea 'ave atu e fanga ki'i savea loi fakapiko ia ko eni 'o li he vao he 'oku 'ikai vavevaea a'u e sisino ia 'ae kau Tonga ki he kau 'Amelika ko ena 'oku lau 'e Mokofisi. Ka ma'u fakafe'unga pe sipi ia, palanisi e me'atokoni, pea tanaki atu ki ai moe ngauengaue 'ae sino he fakamalohisino, va'inga, tafi moe hiko veve, 'alu ki 'uta - 'e toe foki pe kakai Tonga ia ki honau sino totonu, 'ae sino lelei moe sino mo'ui lelei.
Taimi ke tau liukava'i 'etau founga ma'u me'atokoni ka tau sino lelei mo mo'ui fuoloa. ”