Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Tokoni Pule’anga Lepupilika ‘o e Kakai ‘o Siainá Pa’anga ‘e CNY 120 miliona ke tokoni ki he Sipoti 2019 mo e Ngoué ‘i Tonga Featured

Tokoni Pule’anga Lepupilika ‘o e Kakai ‘o Siainá Pa’anga ‘e CNY 120 miliona ke tokoni ki he Sipoti 2019 mo e Ngoué ‘i Tonga

Nuku'alofa, 21 Novema 2015. Na’e fakamo’oni ‘a e Palēmia Le’ole’o, Hon Siaosi Sovaleni, mo e ‘Amipasitoa ‘o e Lepupilika ‘o e Kakai ‘o Siaina ki Tongá, H E. Huang Huaguang ‘i he ‘aho Tu’apulelulu 12 Novema 2015 ‘i he Aleapau tokoni fe’unga mo e pa’anga ‘e RMB 120,000,000 (teau uanoa miliona yuan), pe fakafuofua ki he $40 miliona Tonga, ko e tokoni ki he teu langa lalahi ki he Sipoti Pasifiki 2019 mo e sekitoa ki he ngoué.

Ko e tokoni ma’ongo’onga mo’oni eni kuo fakamo’oni’i, pea ‘oku hounga lahi ‘aupito ki he Pule’anga pea moe fonua ‘a e ‘ofa hulu pehe ni mei he Pule’anga ‘o e Lepupilika ‘o e Kakai ‘o Siaina, ko e me’a ia ‘a e Palēmia Le’ole’o, Hon. Siaosi Sovaleni.

Ko e tokoni ko eni ‘oku fakapatonu ia ki he langa ’o ha fale sipoti (gymnasium mo e vai kaukau (swimming pool) pehē ki he polokalama ngāue fakalakalaka fakatekinikale ki he Ngoué (Agriculture Technical Cooperation).

Ko e tokoni ni ‘oku ne hanga ‘o fakamo'oni ‘a e lelei ‘a e vā fakatipilometika ‘o e ongo fonua ni, pea ‘oku ‘i ai ‘a e ‘amanaki ‘e hokohoko atu ai pe ‘a e fengāue’aki lelei ‘a e ongo fonua ni, koe me’a ia ‘a e ‘Amipasitoa. Na’e toe pehē ‘e he ‘Amipasitoa ‘e teu tau mai 'a e kau savea mei Siaina he ta’u fo’ou ke vakai’i ‘a e ngaue ni pea ke toe sio foki ki ha tafa’aki ke nau tokoni ai ki he teuteu ki he Sipoti 2019.             

NGATA’ANGA

Tukuatu mei he:‘Ofisi ‘o e Palemia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644     Fax:  (676) 23 888; Ngaahi Faka’eke’eke- Email: This email address is being protected from spambots. You need JavaScript enabled to view it.

1 comment

  • Talofa
    Talofa Monday, 23 November 2015 09:20 Comment Link

    'Aia ko e 40 miliona ena kuo ma'u mai pea tau fakamalo lahi ki Siaina, Fielau ho'o mou tu'umalie ko ho'o mou 'ofa 'ia kimautolu kau masiva lahi mo e fiepoto lahi. Ko e 80miliona pe koaa 'a e fo'i patiseti fakaulukufa ki he 2019 Game e? Kapau ku kei tu'u ma'u ai, ta kuo vave pe hono ma'u e toenga, fakatatafi atu aa e 'ai levy ia pea remove mo e toe tx ne hilifaki, fakasi'isi'i mo e feipopoto ta'epoto mo e corruption, fakasi'isi'i mo e fietu'umalie 'o fakataunoa'ia e me'angaue popo kae toe 'ofa'i ange kitautolu. Temou fakamole noa'ia pea pehee pe e he ngaahi fonua 'oku tau tu'umalie.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top