Maa’imoa Faka’ali’ali Ngoue, Toutai mo e Ngaahi Koloa 2015 Featured
Fua E Fonua
Nuku'alofa, 4 'Aokosi 2015. ‘Oku ‘amanaki ke huufi ‘e He’ena ‘Afifió, Tama Tu’i ko Tupou VI pea mo Kuini Nanasipau’u ‘a e Maa’imoa Faka’ali’ali Ngoue, Toutai mo e Ngaahi Koloa 2015 he ‘aho Pulelulu 5 ‘o ‘Aokosi 2015 ‘i he Mala’e Matangimālie ‘i Niuatoputapu.
Ko e taumu’a ‘o e Faka’ali’ali Ngoue ki he ta’ú ni ko e “Ko e Faka’ali’ali Ngoue, Toutai mo e Koloa Ngaohi ‘i Tongá ni ‘o e Hilifaki Kalauni 2015”. Ko e ngaahi ‘aho ki he Maa’imoa Faka’ali’ali Ngoue ki Tonga ni he 2015 ‘oku anga pehe ni;
Pulelulu 5 ‘o ‘Aokosi - Niuatoputapu
Tu’apulelulu 6 ‘o ‘Aokosi - Niuafo’ou
Tokonaki 8 ‘o ‘Aokosi - Vava’u
Pulelulu 12 ‘o ‘Aokosi - Ha’apai
Tokonaki 15 ‘o ‘Aokosi - ‘Eua
Falaite 21 – Tokonaki 22 ‘o ‘Aokosi - Tongatapu
‘Oku kau atu foki ‘a e Palēmia Le’ole’o, Hon. Siaosi Sovaleni; Minisitā ki he Ngoué, Me’atokoní, Vao’akaú mo e Toutaí mo e kau Minisitā ‘e ni’ihi ‘o e Kapineti he folau ki Tokelau ki he Faka’ali’ali Ngoué.
Kuo ‘osi folau atu ‘a e Pule ‘o e Potungāué pehē ki he kau ngāue tokolahi mei he Pule’angá ke fokotu’utu’u ‘a e Maa’imoa Faka’ali’ali Ngoue ‘i he ngaahi tukui motú.
NGATA’ANGA
Tukuatu mei he:‘Ofisi ‘o e Palemia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62. Tel: (676) 24 644
