‘Aho malōlō fakapule’anga makehe ke faka’ilonga’i e Hilifaki Kalauni ‘o e Hau ‘o Tonga Featured
Nuku'alofa, 12 Sune2015. Koe’uhí ke faka’ilonga’i ‘a e katoanga molumalu mo fakahisitōlia ‘o e ouau Hilifaki Kalauni ‘o e Hau ‘o Tonga, ko ‘Ene ‘Afió, Tupou VI mo Kuini Nanasipau’u, ‘oku fiefia ‘a e ‘Ofisi ‘o e Palēmia ke fakahoko atu ki he hou’eiki mo e kakai ‘o e fonuá, kuo tali ‘e he Kapineti ke hoko ‘a e ‘aho Tusite 7 ‘o Siulai 2015 ko e ‘Aho Malolo Faka-Pule’anga makehe ki he ‘Otu Tonga hono kotoa.
Fakatatau ki he Tu’utu’uni Kapineti, ko e ‘aho Tusite 7 ‘o Siulai 2015 ko e ‘aho malōlō Faka-Pule’anga makehe. Ko e ‘aho malōlō ko eni he ta’u ni pē, pea ko e konga ia ‘o hono fakalangilangi’i ‘o e Hilifaki Kalauni ‘o ‘Ena ‘Afifio, Tupou VI mo Kuini Nanasipau’u.
Ko e polokalama fakapule’anga ki he katoanga Hilifaki Kalauni ‘e kamata ia ‘i he Tokonaki ko hono 27 ‘o Sune ‘o ngata ki he Monite ko hono 6 ‘o Siulai. ‘E faka’ilonga’i ‘e he ‘aho malōlō makehe ni ‘a e kakato ‘o e katoanga Hilifaki Kalauni.
NGATA’ANGA
Tukuatu mei he:‘Ofisi ‘o e Palemia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644 Fax: (676) 23 888; Ngaahi Faka’eke’eke- Email: This email address is being protected from spambots. You need JavaScript enabled to view it.
