Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Hoha'a Ateni Seniale ngaahi fakamatala felave’i mo e pekia 'a Sione Feimoefiafi Featured

Hoha'a Ateni Seniale ngaahi fakamatala felave’i mo e pekia 'a Sione Feimoefiafi

8 Fepueli, 2018. ‘Oku loto‘a e ‘Ofisi ‘o e ‘Ateni Seniale ke fakaha ‘a ‘e ne hoha’a lahi felave’i pea mo e lahi ‘a e ngaahi fakamatala ki he kakai felave’i pea mo e ngaahi me’a na’e hoko ‘o pekia ai ‘a Sione Feimoefiafi ‘o Pootilani, ‘Olekoni, ‘Amelika, ‘a ia na’e hoko ‘i he ‘aho Monite 4 Fepueli 2019 ‘i Nuku’alofa.

'Oku totonu ke mahino’i kakato ‘e he kakai kuo hanga ‘e he Kau Polisi Tonga ‘o fakaha ‘i he ‘aho Pulelulu 6 Fepueli 2019 kuo nau faka’ilo ‘a e ni’ihi ‘i he Fakamaau’anga Polisi ki hono fakapoongi ‘o Sione Feimoefiafi, pea ko e ngaahi faka’ilo ni ‘oku malava ke fakahoko ‘a e hopo ‘i he Fakamaau’anga Lahi ‘i he kaha’u.

Kuo a’u ‘a e ngaahi fakamatala ki he kakai ki ha tu’unga ‘oku malava ke faka’ilo hia ‘a e ni’ihi na’a nau fakahoko ‘a e ngaahi fakamatala ni ki he ‘ulungaanga ta’efaka’apa’apa ki he Fakamaau’anga, pe ki he hia ko e kaunoa ta’etotonu ‘i he ngaue ‘a e Fakamaau’anga ‘o maumau ai ‘a e kupu 65 ‘o e Lao ki he Ngaahi Hia, pe ki he hia ko e tuku atu ha ngaahi tohi fakamanamana ki he famili ‘o e kau faka’iloa, tautautefito ki he fanau ‘o e kau faka’iloa, maumau ai ‘a e kupu 111 ‘o e Lao ki he Ngaahi Hia.

Ko hono ‘aofangatuku pe ko e kau faka’iloa ni na’a nau fakatupu ‘a e pekia ‘a Sione Feimoefiafi ‘o fakatatau pea mo e lao ‘o Tonga, ko e fatongia faka-Konisitutone mo faka-lao ia ‘a e Ngaahi Fakamaau’anga ‘o Tonga, pea ‘ikai ko ha to e taha kehe.

‘Oku ‘ikai ‘aupito ko ha me’a ia ‘a e kakai ke nau tu’utu’uni ko hai na’a ne fakatupu fakatatau ki he lao, ‘a e mate ‘a Sione Feimoefiafi, pea ke fakaha ia ‘i he letio, ngaahi nusipepa, ‘initatnei pe ‘i ha fepotalanoa’aki.

Ko e tu’utu’uni koia ‘e fakahoko ia ‘i he Fakamaau’anga Lao, ‘i hano fakamaau’i ‘e ha fakamaau tau’ataina, pea mo ha sula tau’ataina, kapau ‘e fili ki ai ‘a e kau faka’iloa.

Koia ai ‘oku faka’amu ‘a e ‘Ofisi ‘o e ‘Ateni Seniale ke fale’i ki he kakai kenau kataki ‘o ngaue’aki ‘a e fakama’uma’u, pea ke nau faka’ehi’ehi ke nau fakahoko ha fakamatala ki he kakai felave’i pea mo e ngaahi mo’oni’i me’a na’e hoko ‘o fakatupu ai ‘a e pekia ‘a Sione Feimoefiafi.

Ko e ngaahi fakamatala ki he kakai ‘oku hoko ko e ‘ulungaanga ta’efaka’apa’apa ki he Fakamaau’anga ‘oku kau ai ‘a e ngaahi fakamatala ki he kakai ‘oku ‘i ai ‘a e fakatu’utamaki lahi ke kau noa pea mo e ngaahi fakahoko fatongia mo e ngaahi ngaue ; ‘a e Fakamaau’anga ke ne fakahoko totonu mo lelei ‘a e fakamaau totonu.

‘Oku kau foki, pea tautautefito ki he me’a ko’eni na’e hoko, ‘a e ngaahi fakamatala te ne malava ke fakaloto’i ‘a e kakai, ‘a ia ‘e malava ke fili kinautolu ko e kau sula ke nau fai fakama’opo’opo ‘a e ngaahi me’a na’e hoko, pea mo fakahoko ‘a e tu’utu’uni felave’i pea mo e tu’unga halaia, ke nau ma’u ha loto taufehi’a pe faka’ofa’ia felave’i pea mo e ni’ihi na’a nau kau ki he me’a ko’eni na’e hoko.

‘Oku mateuteu ‘a e ‘Ofisi ‘o e ‘Ateni Seniale ke faka’ilo hia ha taha pe ‘oku ne fakahoko ha fakamatala ‘oku ne tui ko e fakahoko ‘a e ‘ulungaanga ta’efaka’apa’apa ki he Fakamaau’anga, pe ko e hia ko e kaunoa ta’etotonu ‘i he ngaue ‘a e Fakamaau’anga ‘o maumau’i ai ‘a e kupu 65 ‘o e Lao ki he Ngaahi Hia, pe ko e hia ko e tuku atu ha ngaahi tohi fakamana maumau ai ‘a e kupu 111 ‘o e Lao ki he Ngaahi Hia.

‘Oku ‘oatu ai ‘a e kole ki he kakai ke nau fakamo’oni ‘oku kei pule ‘a e lao ‘i Tonga ni, pea ko kitautolo kotoa, ko e fonua, ‘oku tau faka’apa’apa’i mo malu’i ‘a e tau’ataina ‘a e Fakamaau’anga, pea mo e totonu ‘a e kau faka’iloa kotoa pe kuo faka’ilo ki he Fakamaau’anga ki he fakamaau’i tau’ataina, neongo ‘a e mafatukituki ‘a e ngaahi hia kuo faka’ilo’aki kinautolu.

3 comments

  • Eneasi Fuka
    Eneasi Fuka Wednesday, 13 February 2019 09:44 Comment Link

    Kou mei peheni eni Aminiasi ke mei omai ha'o press release ki he ta me'atau a Ondre Manu mo e tama nena ela mai, hala'ataa. Me'a ia oku ne fakailifia'i e public safety ikai keke tokanga koe kiai. Koeha leva e veve oku ke tokanga kiai.

    Report
  • Saimone Tualau
    Saimone Tualau Monday, 11 February 2019 12:47 Comment Link

    Ai mu'a ke fair etau me'a Kefu, why you are being selective now? 'Oku ta'aki talisone 'e he kakai 'a Tupou 6 mo e fale 'o e Tu'i 'ikai ha'o meimei tokanga 'e taha kiai, why this case? Ko Tu'i Uata ena na'e 'ai hono hingoa he tohitangi 'uluaki ko e talisone he'ene lau ki he Tu'i hala keke teitei follow up e case koia. Tuku aa ho'o fa'a lea mo e 'afu.

    Report
  • Fahina
    Fahina Saturday, 09 February 2019 21:18 Comment Link

    Ko e osi e ngaahi hopo tamate 'e fiha moe lea pe 'ae kakai e media fakasosiale kae 'ikai keke ta'ofi. Kuo ha leva e case ko'eni pea koe ha hona kehekehe. People expressed their opinion on both the Chinese couples murder and that of the Security guy who beat a young padron with a baseball pat
    ... Tuku e kakai ke nau lea he naa nau vakai kotoa pe ki he video hono tamate'i e matapule ko'eni he ho'ataa malie I loto Nuku'alofa. Its not contempt of court as nothing has been submitted or any evidence or whatsoever. Police are doing their job and you must also do your job diligently. Heaps of people and groups in Facebook has defamed the King yet you have said nothing. So stop your BS and do your job and let the people of Tonga express their frustration and anger in regards to this senseless killing of a fellow Tongan by other Tongan.
    Faka'apa'apa atu

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top