Foaki Siaina Pa’anga 1 miliona tupu tokoni ki he fakaakeake Saikolone Gita Featured
Palēmia ‘o Tonga ‘Akilisi Pohiva mo e ‘Amipasitoa 'a Siaina ki Tonga Wang Baodong
17 Fepueli, 2018. Kuo foaki ‘e he Pue’anga Siaina ‘o fakafou mai ‘i he'enau ‘Amipasitoa ki Tonga Wang Baodong ha pa’anga e 500,000-00 ‘Amelika ‘a ia ‘oku fakafuofua ia ki he pa’anga ‘e 1.3 Tonga miliona koe tokoni ki he fakaakeake ‘a e fonua mei he saikolone ko Gita.
Na’e foaki foki ‘a e tokoni ko’eni ‘e he ‘Amipasitoa Siaina ki he Palēmia ‘o Tonga ‘Akilisi Pohiva mo fakahoko ai pe ‘a e popoaki mei he Minisitā ki Muli ‘a Siaina Wang Yi mo e fie kaungāmamahi ‘a hono fonua ki he taufa kuo tō ‘i Tongatapu.
Na’e toe foaki foki ‘e he Kautaha Kolosi Kula ‘a Siaina ha pa’anga ‘e 100,000-00 ‘Amelika ki he Kautaha Kolosi Kula ‘a Tonga koe tokoni ai pe ki he fakaakeake mei he saikolone ko Gita.
‘I he taimi tatau na’e toe foaki ai pe mei he ‘Ofisi ‘Amipasitoa Siaina ‘i Tonga ‘a e pa’anga ‘e 40,000-00 koe tokoni ai pe ki he fakaakeake ‘a e fonua.
Na’e fakamālō’ia ‘e he Palēmia ‘a e tokoni ko’eni ‘a e Pule’anga Siaina mo e hounga’ia ‘a e fonua ‘i he fu’u tokoni lahi kuo fakahoko ki he fonua.
4 comments
-
naaku fnogo ku fiemau ehe palemia ke tuu mohono faitoka i popua park pea ka lava ai pe paaka he fuu otu tokoni koena heikai tae tuu mo ha fuu esi e palemia he fuu paaka ee alu mo ha fuu tapu koe fanau tama a maui fusi fonua mo maui atalanga haga ai pe ki pulotu tunu mei mo tunu talo ee iooop
-
Ngali hoko atu 'aki 'eni e langa mala'e ta pulu?..
-
Talu e fakafofonga Fale Alea a Akilisi mo ene fakafepakii e kau Siaina enau hau ki Tonga ni, koe aho ni kuo teuteu kene tali e fuu ofa paanga koena mei Siaina, pe ku anga fefee ene ongo’i he taimi ni ee.
-
Fakafoki hoo mou paanga Siaina he oku faka faingata’ia’i e fokotuu pisinisi homou kakai i Tonga ni. Ave atu homou pa’anga kiha feitu’u nau talitali leleii kimoutolu.