Laumalie lelei pe Eiki Palēmia: 'Ofisi Palēmia Featured
22 ‘o Sanuali, 2018. ‘Oku laumalie lelei pē ‘a e ‘Eiki Palēmia, Hon. Samuela ‘Akilisi Pohiva, hili ‘ene tengetange ‘i he ngaahi uike si’i kuo maliu atu, ‘a ia na’a ne ‘i he loki tokanga’i makehe pe ICU (Intensive Care Unit) ‘a e Falemahaki Vaiola, ke fai ‘a hono siofi mo tokanga’i ai.
‘Oku fie fakahoko atu mei he ‘Eiki Minisita Mo’ui ki he kakai ‘o e fonua ‘oku ‘i he tu’unga mo’uilelei pe ‘a e ‘Eiki Palēmia, pea na’e faka’ata ia mei falemahaki ‘i he faka’osinga ‘o e uike kuo ‘osi.
‘Oku mahu’inga ki he kakai ‘o e fonua ke nau fakatokanga’i ange ‘a e ngaahi fakamatala ta’emo’oni kuo tukuatu mei he ngaahi kautaha ongoongó, ‘o pehe ‘oku mo’ua ‘a e ‘Eiki Palemia ‘i he mahaki kanisaa.
‘Oku fie fakaa’u atu ‘a e fakamalō mei he ‘Eiki Palēmia mo hono famili ‘a e fakamalō lotohounga mo’oni, kia kimoutolu kotoa na’a mou ‘a ‘ahi mo lotu ange ia lolotonga ‘a e taimi na’e faingata‘a‘ia ai.
-'Ofisi Palēmia
4 comments
-
Mooni aupito Matiu. Hanga ehe siana ni o fafanga e fonua aki e ngaahi lea kona langa moe ‘aavahevahe, toe fakalotoa e kakai kenau taufehi’a kihe Tui mo e Houeiki aki ha ngaahi fakamatala oku loi. Pea misiona aki e vahevahe taau ke tatau e taha kotoa. He ne anefe ia ha tata ha taha ngaue malohi mo ha kau kava tonga taengaue? He ne anefe ia ha tatau ha taha memipa Fale Alea moia ko e Palemia. Tetau kei kehekehe pe he oku tau tufakanga kehekehe mei olunga.
-
Fau aa ha Lao ke mou ta’u 70 pe kau politikale pea mou malolo ki api o laulau folofola pe mo tali e haele tuo 2 mai ae tamasii ko Sisu.
-
LAUMALIE PE MO'UI? TENGETANGE PE PUKE? ME'A PE 'ALU? 'ILO PE KAI?
'Oku 'ikai nai ko e Palemia 'Akilisi Pohiva tonu pe na'e takimu'a hono ta'ofi hono ngaue'aki 'a e lea fakahouhou'eiki (tokua he 'oku fakatikitato) ka e ngaue'aki 'a e lea fakatatau (tokua he 'oku fakatemokalati) ka ko 'eni ia ko 'Akilisi pe 'oku to e takimu'a malohi pe ia hono ngaue'aki 'a e lea fakahouhou'eiki ka e si'aki 'a e lea fakatatau?
'Oku kau heni hono liliu tokua 'a e ngaahi lea fakahouhou'eiki (mo fakatikitato tokua) ko e laumalie, tengetange, me'a mo e 'ilo ki he lea fakatatau (mo fakatemokalati tokua) ko e mo'ui, puke, 'alu mo e kai mo e ha fua.
'Oku to e mahino lelei heni 'a e tefito'i mo'oni ko ia ta ko e fie hou'eiki, fie ma'u mafai, fie pule, fie taki, fie palemia pe 'a 'Akilisi pea ko 'ene hou'eiki, ma'u mafai, pule, taki mo palemia pe kuo liliu leva ia mei fakatemokalati mo e pule lelei mo taki lelei ki he fakatikitato mo e pule kovi mo taki kovi. -
Malo PA Po'oi e fa'u fakamatala. Hange ha'o talanoa mai kiha kau leka pe kakai ta'eako. Ko ho'omou kei 'ufi'ufi ai pe mo'oni ke a'u ki fe pea fai mo tala totonu na'a lea e maka moe la'iveve 'o tala homou fakama. Pea tuku e kaunga loi ia minisita mo'ui he ko ho'o keli 'e koe ho mala mo ho famili. 'Oku mou pehe 'oku mau vale ke 'ikai mau 'ilo e kehekehe 'oe mo'ui lelei moe mahamahaki? tuku 'aupito e loi ia moe fakaoli. Kapau 'oku mou pehe 'oku 'osi mo'ui lelei peseti 100 pea mou fekau ke ki'i lele takai tu'o taha 'I Teufaiva ke fakamo'oni'i 'oku fiti mo'oni ke fai e ngaue. Koe vakai 'oku fehipakaki mai e lue kae tala pe 'oku mo'ui lelei.