Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Fakamo’oni’i 'i Nuku'alofa Aleapau Fefakatau’aki PACER-Plus Featured

Kau Minisitā Fefakatau'aki mo e kau Fakafofonga mei he ngaahi fonua na'a nau fakamo'oni ki he Aleapau PACER-Pus. 'Oku hā foki he 'ata ni 'a e Palēmia 'o Tonga Samuela 'Akilisi Pohiva Kau Minisitā Fefakatau'aki mo e kau Fakafofonga mei he ngaahi fonua na'a nau fakamo'oni ki he Aleapau PACER-Pus. 'Oku hā foki he 'ata ni 'a e Palēmia 'o Tonga Samuela 'Akilisi Pohiva

14 Sune, 2017. Na’e fakamo’oni’i he ‘aho ni ‘i Nuku’alofa ‘a e aleapau fefakatau’aki ‘a ia ‘oku ‘iloa koe PACER-Plus ‘i he vā ‘o e ngaahi fonua ‘o e Pasifiki mo Nu’usila pea mo ‘Aositelēlia.

Na’e mahino mai foki na’e ‘i ai ‘a e ngaahi fonua na’e ‘ikai kenau kau mai ki he fakamo’oni ko’eni he ‘aho ni makatu’unga ‘i he ‘ikai kenau fiemalie ki he ngaahi tu’utu’uni ‘o e aleapau fefakatau’aki ko’eni.

Ko e aleapau ko’eni koe ta’u ‘eni ‘e honngofulu hono alea’i pea ‘oku fakataumu’a kene faka’ai’ai ‘a e tau’atāina ‘a e fefakatau’aki pea kene teke ‘a e langa faka ‘ikonomika ‘i he ngaahi fonua ‘o e Pasifiki.

Na’e kau mai ‘a e ngaahi fonua ko’eni ki he hono fakamo’oni’i ‘o e alepau ko’eni ‘a ia ko: Australia, New Zealand, Tonga, Niue, Nauru, Samoa, Solomon Islands, Kiribati, Tuvalu pea mo Cook Islands.

Na’e ‘ikai foki ke kau mai ‘a: Fiji, Papua New Guinea pea mo Vanuatu ‘a ia na’a nau fakafisi ke fakamo’oni ki he aleapau ko’eni.

‘Oku tui foki ‘a e ngaahi fonua ko’eni ‘oku fakafisi mai ‘oku ‘ikai palanisi ‘a e aleapau ko’eni pea ‘oku ma’u pe hono momona ‘e Nu’usila mo ‘Aositelēlia pea ‘oku ‘ikai hano kaunga lelei ki he ngaahi fonua ‘o e Pasifiki.

‘Oku nofo ‘a e fakamamafa ‘a e ngaahi fonua ko’eni ‘i he ‘ikai palanisi ‘a e lao fekatau’aki ‘a e ongo fonua ni ‘o kau ai ‘a e lao kolonitini ‘a e ongo fonua lalahi ko’eni pehe ki he ngaahi kaveinga kehe pe.

Na’e fokotu’u mai foki mei he kautaha ‘a e kau ngāue faka-Pule’anga (PSA) ‘a Tonga ‘e he Sekelitali Seniale Mele ‘Amanaki ke holomui mo Tonga ni ‘o toe vakai’i ‘a e aleapau ni ka na’e mahino mai ‘oku ‘ikai tali ‘a e fokotu’u ko’eni.

Na’e ‘ikai foki ke lava mai ‘a e Federated States of Micronesia, Marshall Islands pea mo Palau ‘o makatu’unga ia ‘i he ‘uhinga faka-fefolau’aki.

‘Oku fakahoko mai foki ‘a e fakahataha ko’eni ki Tonga ni pea na’e fakahoko ‘a e fakamo’oni ko’eni ‘i he hōtele Tanoa International Dateline.

Leave a comment

Make sure you enter all the required information, indicated by an asterisk (*). HTML code is not allowed.

back to top