“ 'Oku fakamo'oni ki ai 'a e malanga 'oku 'ilo pe 'e he me'a fakalaumalie 'a e me'a fakalaumalie kae 'ilo pe 'e he me'a fakamatelie 'a e me'a fakamatelie. 'Oku pehe hono 'ilo pe 'e he me'a fakaako 'a e me'a fakaako ka e 'ilo pe 'e he me'a fakapolitikale 'a e me'a fakapolitikale. 'Oku hanga 'e he Pule'anga Pule Fakatikitato mo e Paati Tikitato Ta'e'ofa 'Otu Anga'ofa (PTTOA) mo e PM Tikitato Samuela 'Akilisi Pohiva 'o liliu fakapolitikale 'a e me'a kotoa pe, 'o kau ki ai 'a e ako, 'a ia 'oku tefito he kumi mo ngaue'aki 'a e mo'oni mo e 'ilo mo e poto ka e 'ikai ko e loi mo e fakapo'uli mo e vale, 'o hange ko e lau malie 'a Josh Fahina, 'a ia 'oku hoko 'a e liliu 'a e 'Apiako Fokololo-e-Hau mei he MOE ki he FISA ke fakangaue'i mo pule'i 'e he fanga vale 'oku nau mo'ui kaka, ta'e'ofa, siokita mo muimui kuikui he PM Tikitato Samuela 'Akilisi Pohiva. 'Oku 'ikai nai 'oku to e ako mo faiako 'a e tufunga, 'uhila, palama, mekenika mo e ha fua ka e 'ikai ko e folau tahi mo e 'enisinia tahi pe ke fakatonuhia'aki mo fufu'aki hono liliu fakapolitikale ko 'eni pule'i 'e he FISA ka e 'ikai ke tuku ke pule'i mo fakalele fakaako pe 'e he MOE? ”