“ 'Eiki Palemia, na'a ku toki lau 'i he nusipepa Talaki 'o e uike ni, 'a e hopo mai ho'o fanau 'o malu'i koe pea 'oku ou sai'ia he tafa'aki koia 'enau tu'u mo koe, ka 'i he tafa'aki 'e taha, 'oku fu'u anga ta'e faka'apa'apa 'a e lea 'oku na ngaue'aki 'e Sione mo Lautala, he ko e faifekau ko Ma'afu Palu na'a na lau kiai 'ou fakatumutumu ai peau manini'ia, he 'oku tau kei Tonga pe. Na'a ku nofonofo he'eku 'ohovale'ia peau toe fakakaukau atu, ko 'ena hoko pe 'anaua ka koe. Kuo ke ta pe 'e koe 'a e sipinga 'o e lea ta'eufi, lea ta'efaka'apa'apa mo e 'afungi ki ho'o fanau, kole atu e fonua kenau hufia e famili 'o e Palemia, ke ta'aki e 'afungi he 'oku ha'u ai pe mo e 'afungi heka mei 'olunga mei he sea vevela mei ai 'o maangia hifo ki he kainanga 'o e fonua.
Pehee 'e he pepa 'oku makehe atu 'a e fanau ia 'a e Palemia ko'eni, pea kuo tonu ke 'ilo e he fanau, 'oku ikai ha kaungalelei 'e taha ;enau oho takai ki he ngaue 'enau Tamai, 'oku mou tukuhifo e ngaue ho'o mou tamai ho'o mou toe lelemu'a holo 'akimoutolu, talu ho'o mou tupu mo e fakaanga'i e kakai tokolahi pea koeha 'ikai kemou tali ai e fakaanga atu 'a e kakai. Ku mou toki 'ilo he 'aho ni ko e me'a kovi e me'a ko e fakaanga ee!
Malo kuo te sio ki he maama he na'a te kau mo kita he muimui kui holo 'ia 'Akilisi ”