“ 'Oku fu'u ma'ulalo mo faka-lautohi pule'anga e fu'u tu'utu'uni ta'ehuni ko eni. Ka kou fie to'o mai pe ngaahi me'a ko eni mei he ngaahi poini kuo fakafika ke fai kiai ha vakai. (1) kuo toho atu moe Potungaue Pa'anga ke kaunga hia moe Lavu, (2) koe e 'uhinga e toe kole holo ia 'a Saia Piukala ke fai e ngaue hono vahenga, kae 'ikai kole ha'ana project makehe ki he Pule'anga. Koe lahi fehalaaki koe toe hu holo e fanga ki'i kole favour fakaekinautolu he ngaahi me'a ne 'osi paasi. Koe me'a ia 'oku nau toe fefaingata'a'ia'aki ai koe toe kole lalo uaea holo. 'Oku 'ikai ke 'iai ha founga ngaue fakapule'anga 'e pehee 'i mamani. Kae huanoa e ngaahi kole fakafo'ituitui ki he'enau ngaahi fiema'u fakafo'ituitui. koe toe lahi ai pe honau mo'ua kia Lavu. (3) kuo tukuaki'i e kau ngaue he operational level, pea 'ai tokua ke ngahi 'oku fua 'a Lavu 'enau fehalaaki. Toki 'uhinga ma'ulalo mo'oni eni. (4).koe ha 'ene 'uhinga ki "lahi ange e ngaue kuo lava" he vakai 'ae kau kapineti? koe ha e me'afua na'e fua'aki? fefe e quality 'oe ngaue? na'e fakafehoanaki moe palani ngaue? ka na'e 'ikai foki ke 'iai ha palani ngaue ia. Ka 'oku 'ikai koe poini ia. Koe poini koe ngaue'aki e pa'anga ki he me'a kehe mei he me'a na'e taumu'a ki ai, moe 'ikai maau e ngaahi totongi na'e fai. (5) kuo toe tukuaki'i moe fehalaaki 'ae ngaahi potungaue kehe ke fakatonuhia'i'aki e faihala 'a Lavu, tokua 'oku tatau. Hala lahi, he'ikai ke 'omai ha angahala 'aha taha kehe ke fakatonuhia'i'aki ha angahala 'aha kakai kehe. Na'a nau palomesi ko 'enau hoko pe 'o pule'anga pea 'e ta'ofi leva e ngaahi faihala pehee. Koeni kuo nau fai e hia tatau, pea tala leva ia 'oku sai pe ia he na'e fai pehee moe kakai ia kimu'a. (6) koe ha koaa kuo toutou tukuaki'i ai e Potungaue Pa'anga 'oku 'ikai ko nautolu na'e launga'i 'ehe 'Atita? Ka na'e 'iai ha tonounou 'ae Potungaue Pa'anga koe issue kehe ia, toki faka'ilo makehe kinautolu ia 'o fakamaau'i. Kae 'oua 'e fusi mai ia ke mimio fakataha moe case pango ko eni 'a Lavu.
Koe toe lahi e ngaahi me'a ta'emita 'oku 'asi he fu'u tu'utu'uni ko eni, kae ki'i tuku'i atu ia kiha taimi kehe he kuo tau ninimo. ”