Fakaava ‘e he Palēmia, Minisitā Ako mo Akongāué Faleako Lautohi Pule’anga Fakakakai Featured
Palemia 'Akilisi Pohiva 'i hono Fakaava Faleako Lautohi Pule'anga Fakakai. 'Oku ha he taa 'a Sarah Walsh Talafekau Lahi 'a Nu'usila ki Tonga
Nuku'alofa, 6 'Aokosi 2015. Na’e fakaava ‘e he Palēmia mo Minisitā Ako mo e Akongāué, Hon. Samuela ‘Akilisi Pohiva, ‘a e ngaahi loki ako ‘o e Lautohi Pule’anga ‘a Fakakakai ‘i Ha’apai ‘i he Tu’apulelulu 30 ‘o Siulai 2015.
Ko e ako’angá ni foki na’e holo ‘i hono ‘ahia ‘e Saikolone ‘Ieni ‘a e ‘otu motu Ha’apaí ‘i Sanuali 2014, pea ngaue’aki ‘e he fānauakó ‘a e falelotu ‘o e Siasi ‘o Sisū Kalaisi ‘o e Kau Mā’oni’oni ‘o e Ngaahi ‘Aho Kimuí ni ke fakahoko ai ‘enau akó. Na’e fe’unga fakakātoa e fakamolé mo e TOP$869,290.00, ‘a ia ko e loki ako ‘e nima, falemalōlō mo e nofo’anga ‘e ua ki he kau faiakó.
Ko e faleakó ni, ko e fakapa’anga ia ‘e he Pule’anga Nu’usilá mo e Pangikē Fakalakalaka ‘a ‘Esiá kae langa ‘e he Kautaha Langa Puloká.
Na’e me’a ‘i he kātoangá ni ‘a H.E. Sarah Walsh ko e Talafekau Lahi ‘o Nu’usila ki Tonga, Hon. ‘Etuate Sungalu Lavulavu- Minisitā ki he Ngaahi Ngāue Lalahi mo e Takimamatá; Saia Faletau, fakafofonga ‘o e Pangikē Fakalakalaka ‘a ‘Esia ‘i Tonga ni mo e kau fakafofonga mei he ngaahi kautaha ‘oku felave’i mo e langa ngāue ko ení.
NGATA’ANGA
Tukuatu mei he:‘Ofisi ‘o e Palemia, Pule’anga Tonga, Nuku’alofa, Tonga.
Tu’asila:Taufa’ahau Road, P.O. Box 62.Tel: (676) 24 644
Fax: (676) 23 888; Ngaahi Faka’eke’eke- Email: This email address is being protected from spambots. You need JavaScript enabled to view it.
1 comment
-
Fiefia e 'Eiki Palemia he'ene a'u ki he nu'u, talaki he T.V 'ene a'u ki he tu'unga koeni ko'ene tupu he mo'ui faingata'a. He kohai koaa na'e ta'e tupu faingata'a'ia? Ka ku tau tupu kitautolu 'o mateaki'i e mo'oni, ka e tupu ia 'o fakalele 'ene nusipepa 'oku fihitu'u ai e loi, angatu'u mo e tukuhifo e laumalie o e kakai. 'E kei tala pe mo e a'usia koia ko e tupu mei he'ene mo'ui faingata'a'ia? Fefe leva e a'usia ia a Lavu, ko e tupu ha ia? Kaikehe ko e ki'i ipu tea pongipongi pe ketau lavelave ai ... malo e lelei 'a e taha kotoa he fale ni ...