Kau atu Palēmia ‘o Tonga ki he Fakataha Komiti Fili ‘Univēsiti Pasifiki Tonga ‘i Fisi Featured
Nuku'alofa, 24 Siulai 2015. ‘E kau atu ‘a e Palēmia, Hon. Samuela ‘Akilisi Pohiva ‘i hono lakanga ko e Minisitā Ako mo e Ako Ngaue ki he fakataha ‘aho ‘e taha ‘a e Komiti Fili (Search Committee) ‘a e ‘Univēsiti ‘o e Pasifiki Tongá ‘e fakahoko ki he Hotele Tanoa ‘i Nadi, Fisi ‘i he Falaite 24 ‘o Siulai 2015.
Ko e taumu’a ‘o e fakatahá ni ke vakai’i ‘a kinautolu ‘oku fokotu’u atu ki he lakangá (Pro-Chancellor) he ‘Univēsiti ‘o e Pasifiki Tongá; fakataha’i ke fakaafe’i ha taha ‘oku fe’unga ki he lakanga ke fe’iloaki mo e komiti; pea mo fakataha’i pē ‘e kumi ha taha fale’i pe ko e fili ha taha memipa fanongo he komiti ‘oku ‘i ai ha’ane taukei makehe pehe ki hano polokalama’i ha taimi fakataha ‘a e komití ‘o fakatatau ki he fiema’ú.
‘Oku muimuifolau he Palēmia, ‘a Toketā Raelyn 'Esau, Tokoni Pule mei he Potungāue Akó mo Akongaué. Ko e fakamole ki he me’a atu ‘a e Palēmia ki he fakatahá ni ‘oku fua pē ia ‘e he ‘Univesiti ‘o e Pasifiki Tongá.
NGATA’ANGA
Tukuatu mei he:‘Ofisi ‘o e Palemia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644 Fax: (676) 23 888; Ngaahi Faka’eke’eke- Email: This email address is being protected from spambots. You need JavaScript enabled to view it.
