Menu
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
Latest News

Talitali ‘e he TIA ‘a Dr Sujit Sivasundaram ‘o e Cambridge University Featured

Dr Sivasundaram, Helu Dr Siosaia Langitoto Helu, Professor Hūfanga Dr ‘Ōkusitino Māhina mo Fetongikava Dr Viliami Uasikē Lātū ‘o e Tonga International Academy Dr Sivasundaram, Helu Dr Siosaia Langitoto Helu, Professor Hūfanga Dr ‘Ōkusitino Māhina mo Fetongikava Dr Viliami Uasikē Lātū ‘o e Tonga International Academy

11 Tisema, 2017. Na‘e talitali lelei ‘e he TIA ‘a Dr Sujit Sivasundaram ko e faiako mo e fakatotolo hisitōlia he Cambridge University ‘i Lonitoni ‘i Pilitānia ‘oku lotolotonga ‘i Tonga ni he‘ene fekumi ki he‘ene tohi he hisitōlia ‘o e ngaahi fonua he ‘Ōseni ‘Initia mo e ‘Ōseni Pasifiki ‘o kau ai ‘a Tonga.

Na‘e fakahoko ha fakataha ‘a Dr Sivasundaram mo e Vice Chancellor Helu Dr Siosaia Langitoto Helu, Deputy Vice Chancellor Professor Hūfanga Dr ‘Ōkusitino Māhina mo e Dean Administration and International Office Fetongikava Uho-‘o-Fasi-moe-Afi Dr Viliami Uasikē Lātū ‘a e TIA he efiafi Sāpate.

‘Oku ‘ikai ngata pē he fengāue‘aki ‘a e TIA mo Dr Sivasundaram he‘ene fekumi mo fakatotolo ‘o tautefito ki he konga ‘o e hisitōlia ‘o Tonga he‘ene tohi ‘oku tufunga ka kuo ne to e loto lelei ke ne kau hono supavaisi mo ‘etivaisi ha kau ako MA mo PhD ‘a e TIA he‘ene tu‘u koia ki he kaha‘u.

‘Oku tefito ‘a e fekumi mo e fakatotolo ‘a Dr Sivasundaram he vaha‘a ‘o e konga kimui ‘o e senituli 18 mo e konga kimui ‘o e senituli 19 ‘o tuha mai mo e kuonga ‘o Tu‘i Tonga ko Pau mo Kapiteni Kuki mo e Tu‘i Vava‘u-Tu‘i Ha‘apai ko ‘Ulukalala (Feletoa) mo Toki Ukamea mo e Tu‘i Ha‘apai-Tu‘i Vava‘u ko Tāufa‘āhau.

‘Oku mā‘uhinga lahi ‘eni he ko e kuonga ‘eni na‘e ngāngā‘ehu ai ‘a Tonga hili hono fakapoongi ‘a e Tu‘i Kanokupolu ko Tuku‘aho ‘a ia na‘e fakanunu mai ‘e ‘Ulukalala mo aofangatuku ‘e Tāufa‘āhau mo e Tau Tahi ‘o liua ai ‘a e Tu‘i Tonga mo e hou‘eiki lalahi ‘o Kanokupolu ‘e he Tu‘i Tupou hono liukava tātu‘otaha ‘o e fonua.

‘Oku ‘ikai ngata pē he fengāue‘aki ‘a e TIA mo e Cambridge University he poloseki fekumi mo fakatotolo ko ‘eni mo e kau mai ‘a Dr Sivasundaram he supavaisa mo ‘etivaisa ka ‘oku to e kamata ke fengāue‘aki mo e Oxford University (ko e ongo ‘univēsiti tupu‘a ‘o Pilitānia) he filosofia/ teolia ‘o e ‘iai.

Na‘e ‘osi kamata foki ha ngāue ‘a e kau ‘ātisi mo e sikola ‘a e TIA mo e Cambridge University ko Sēmisi Fetokai Potauaine, Kolokesa Uafā Māhina-Tuai mo Palōfesa Hūfanga Dr Māhina mo e Oxford University ‘o e sēsoni he teolia tā-vā ‘o e ‘iai he konifelenisi ‘a e ESFO he Cambridge University ‘i Tīsema 2018 ‘oku taki ‘e Dr Chloe Colchester mo Palōfesa Hūfanga Dr Māhina.

Leave a comment

Make sure you enter all the required information, indicated by an asterisk (*). HTML code is not allowed.

back to top