Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Kakato polokalama ako tokateu ki he Feliuliuaki ‘a e ‘Ea (Climate Resilient Tonga Professional Training) Featured

Pule Lahi Le'ole'o MEIDECC Tevita Tukunga, Lu'isa Tu'i'afitu Malolo Talekita 'o e CRSP, Dr. Fabian Sack mo Judy Turnbull mei he Sustainably Pty Limited mo kinautolu na'e kau atu ki he polokalama foaki seitfikeiti. Faitaa: Nepituno Oline News Pule Lahi Le'ole'o MEIDECC Tevita Tukunga, Lu'isa Tu'i'afitu Malolo Talekita 'o e CRSP, Dr. Fabian Sack mo Judy Turnbull mei he Sustainably Pty Limited mo kinautolu na'e kau atu ki he polokalama foaki seitfikeiti. Faitaa: Nepituno Oline News

17 Sepitema, 2017. Na’e fakahoko ‘i he efiafi Falaite 15 ‘o Sepitema ni ‘a hono foaki atu ‘a e ngaahi setifikeiti kiate kinautolu na’a nau kau atu ki he polokalama ako ki he tokateu ke talia ‘a e ngaahi ha’aha’a ‘o e feliuliuaki ‘o e ‘ea (Climate Resilient Tonga Professional Training.)

Ko e ako ko’eni na’e lele’i ia ‘i he mahina ‘e ua pea koe konga ‘eni ‘a e polokalama ako ‘oku ‘i he malumalu ‘o e poloseki CRSP (Climate Resilient Sector Project) ‘i he Potungāue MEIDECC pea ‘oku fakapa’anga ‘e he Pangikē Langa Fakalakalaka ‘a e ‘Esia (ADB).

Na’e fakalele foki ‘a e polokalama ako ko’eni ‘ehe kautaha ‘Aositelēlia koe Sustainably Pty Limited ‘i he fengāue’aki mo e Technical and Further education (TAFE) ‘a Niusaulele ‘Aositelēlia, Pangikē Langa Fakalakalaka ‘a e ‘Esia (ADB) mo e poloseki CRSP ‘i he Potungāue MEIDECC.

Ko e polokalama ako foki ko’eni na’e fokotu’utu’u mo fakapolokalama’i ia ‘e Dr. Fabian Sack mo Judy Turnbull ‘a ia ko e ongo Talēkita ia ‘o e kautaha Sustainably pea mo Dr. Viliami Uasike Latu ‘a ia koe fakafofonga ia ‘o e kautaha ‘i Tonga ni pehe kia Dr. Siosaia Langitoto Helu mei he polseki CRSP.

Ko e toko 21 ‘a e kau ngaue faka-Pule’anga na’e kau mai ki he polokalama ako ko’eni pea na’e fakalele ‘e he kau palōfesa mo e kau mataotao mei ‘Aositelēlia ‘i he mala’e ko’eni ‘o e feliuliuaki ‘a e ‘ea pehe ki he ngaahi tokateu ‘oku totonu ke fakahoko kene matu’uaki.

Ko e polokalama foki ko’eni ‘oku ‘i he lēvolo ia ‘o e ako ma’olunga ange (higher education) pea koe faka’ilonga ‘oku ma’u mei ai koe levolo 4 ia ‘i he sitifikeiti fakapolofesinale ‘a ia ‘oku foaki ‘e he ako ma’olunga ange ‘a Niu Sauele ‘i ‘Aositelēlia (TAFE).

Na’e foaki foki ‘e he Talēkita Le’ole’o ‘o e MEIDECC Dr. Tevita Tukunga ‘a e ngaahi setifikeiti kiate kinautolu na’a nau kau atu ki he polokalama ako ko’eni pea ‘oku ‘amanaki ke toki foaki ‘a e faka’ilonga fakaako mei he TAFE ‘a ‘Aositelelia ‘i he polokalama tanaki tu’unga ‘a e ngaahi ako ma’olunga ange ‘a e Pule’anga ‘i he faka’osinga ‘o e ta’u.

Na’e fakamālō’ia foki ‘e Lu’isa Tui’afitu Malolo koe Talēkita ‘o e poloseki CRSP ‘a e Lava lelei ‘o e polokalama ako ko’eni pea koe fuofua ako ma’olunga ia ‘i he ‘elia koeni kuo fakahoko ‘i he Pasifiki.

Na’e fakama’opo’opo ‘aki ha poupou ‘a e Pule Lahi Le’ole’o ‘o e MEIDECC Dr. Tukunga mo ‘ene tapou ‘oku fiema’u leva ke tau ngāue leva pea fakahoko he vave taha ke talia ‘a e ngaahi pole ‘o e feliuliuaki ‘a e ‘ea.

Leave a comment

Make sure you enter all the required information, indicated by an asterisk (*). HTML code is not allowed.

back to top