Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Fakamo’oni fengāue’aki ‘a e Tonga International Academy (TIA) mo e Kiwi Institute of Training and Education (KITE) Featured

'Otu Mui Hema ki Mata'u: Palōfesa Hūfanga Dr. ‘Okusitino Māhina Dean Va’a Fekumi mo e Fakatotolo (Enquiry & Research) TIA, Kiumi Tuimana Malupo (HRM /Academic/Pasifika Coordinator/Senior Lecturer KITE, Baljit Singh (Marketing Manager) KITE. ‘Otu Mu’a Hema ki Mata’u: Randy Wang - Director/Shareholder KITE, Dr. Viliami Uasikē Lātū Tokoni Pule (Associate Dean) TIA 'Otu Mui Hema ki Mata'u: Palōfesa Hūfanga Dr. ‘Okusitino Māhina Dean Va’a Fekumi mo e Fakatotolo (Enquiry & Research) TIA, Kiumi Tuimana Malupo (HRM /Academic/Pasifika Coordinator/Senior Lecturer KITE, Baljit Singh (Marketing Manager) KITE. ‘Otu Mu’a Hema ki Mata’u: Randy Wang - Director/Shareholder KITE, Dr. Viliami Uasikē Lātū Tokoni Pule (Associate Dean) TIA

7 Nōvema, 2016. Na’e lava lelei he ‘aho ni ‘a e fakamo’oni ‘a e aleapau fengāue’aki ‘i he vaha’a ‘o e ‘apiako Tonga International Academy (TIA) mo e ‘apiako Kiwi Institute of Training and Education (KITE) ‘o ‘Aokalani Nu’usila.

Na’e fakahoko foki ‘a e fakamo’oni ‘o e aleapau ko’eni ki he ‘apiako Kiwi Institute of Training and Education (KITE) ‘oku tu’u ‘i he Queen Street ‘i he loto kolo ‘o ‘Aokalani.

Na'e fakafofonga’i ‘a e TIA, Poate Pule, mo e Puleaako (Dean) Helu Dr. Siosaia Langitoto Helu ‘e Dr. Viliami Uasikē Lātū ‘a ia ko e Tokoni Pule (Associate Dean) ia ‘o e ‘apiako ni fakataha mo Palōfesa Hūfanga Dr. ‘Okusitino Māhina ‘a ia ko e Dean ia ki he va’a Fekumi mo e Fakatotolo (Enquiry & Research) ‘a e ‘apiako.

'Otu Mui Hema ki Mata'u: Palōfesa Hūfanga Dr. ‘Okusitino Māhina Dean Va’a Fekumi mo e Fakatotolo (Enquiry & Research) TIA, Kiumi Tuimana Malupo (HRM /Academic/Pasifika Coordinator/Senior Lecturer KITE, Baljit Singh (Marketing Manager) KITE. ‘Otu Mu’a Hema ki Mata’u: Randy Wang - Director/Shareholder KITE, Dr. Viliami Uasikē Lātū Tokoni Pule (Associate Dean) TIA

Na’e fakafofonga’i mai leva ‘a e KITE ‘e he’enau Talēkita Randy Wang fakataha mo e taha ‘enau kau ‘ofisa ma’olunga ‘a ia ko Talita Kiumi Malupō ‘oku lolotonga faiako mo tokanga’i ‘a e va’a ki hono tokangaekina ‘a e kau ngāue (Human Resources) ‘a e KITE.

Ko e aleapau ko’eni ‘oku ne fakapapau’i ‘a e vā fengāue’aki ‘a e ongo ‘apiako ni pea ‘oku kau kiai ‘a e fetokoni’aki ‘i he mala’e ako, fefakafetongi’aki ‘o e ngaahi fakakaukau fakaako mo e tamaiki ako, fengāue’aki faka fakatotolo mo hono faka’ai’ai ‘a e tupulaki ‘a e ngaahi taumu’a mo e ngaahi kaveinga fakaako ‘a e ongo ‘apiako ni ‘o tatau ‘i Tonga mo Nu’usila.

‘Oku ta’u foki ‘e ua ‘a e aleapau ko’eni pea ‘oku ‘oku fakafo’ou fakata’u ua ‘o makatu’unga ‘i he ola ‘o e ngaahi kaveinga ‘oku makatu’unga meia ai hono lalanga ‘o e vā fengāue’aki ko’eni.

‘I ha fakamatala ‘a e Talēkita ‘o e KITE Randy Wang na’a ne fakahā ai ‘a ‘ene fiefia hono fakahoko ‘a e fakamo’oni ki he alepau ko’eni ‘a ia na’e fakahoko hono fokotu’utu’u mai he konga ki mu’a ‘o e ta’u ni pea kuo hoko ‘a e misi ko’eni ‘o mo’oni.

Ko e ongo tatau na’e fakahā ‘e Dr. Latu ‘o makatu’unga ‘i he fiefia ‘i hono malava ke fakahoko ‘a hono fakamo’oni’i ‘o e aleapau ni he 'e tokoni lahi ‘eni ki hono langa hake ‘o e maa’imoa ako ‘i he fonua.

 

 

9 comments

  • Ako Tutuku
    Ako Tutuku Friday, 18 November 2016 11:38 Comment Link

    Ko e ongoongo fakamuimui ki he 'Unuaki 'oku 'iai 'a e lippoti kiai 'a e 'atita ki he pa'anga 'e vaueaua miliona na'e kaka'i 'e Lavu Fefine mo Lavu Tangata....coming soon....

    Report
  • siaafafine
    siaafafine Wednesday, 16 November 2016 07:39 Comment Link

    Ko e ha koaa me'a kuo hoko ki he ''Unuaki 'o Tonga ki Heli". Kuo nau hiki nai ki fe'ia ? Mahalo kuo hiki ki Vava'u 16 ? 'Oku 'ilo nai 'e taha ? Kole atu kapau 'oku 'ilo 'e taha pea kataki 'o talamai he 'oku ou fie lesisita ki ai ke u poto he kemipeni fale alea. Na'e pehe 'e he tokotaha na'e 'alu ange 'a Lavulavu mo 'Akilisi 'o sio he 'u fale 'i 'Api mataka. Mahalo na'a 'oku 'iai ha fakakauakau ke hiki ki ai ke na tu'u fakataha pe mo e TIA eh ?

    Report
  • Matangi Tokelau
    Matangi Tokelau Monday, 14 November 2016 02:24 Comment Link

    Malo e ngaue pea koe fakakoloa 'eni ki he fonua e ngaahi faingamalie pehe ni. Malo kau tangata pea tala pea ngali.

    Report
  • Isalei
    Isalei Wednesday, 09 November 2016 13:00 Comment Link

    Na'e 'iai foki e va engaue'aki ' a e'Unuaki mo e 'Apiako koe Martin Hautus 'i Nu'usila pea iku ta'ofi 'e he Pule'anga 'a e toe tokoni pa'anga ki he 'apiako ko'eni ko hono abuse 'a e tokoni. 'Oku 'iai foki 'a e lippoti 'a e 'atita 'oku te'eki ke fai mo fai ha ngaue kiai 'i Tonga ni fekau'aki moe pa'anga 'e laukilu na'e ngauehala'aki 'e he 'Unuaki 'o Tonga 'i hono lesisita e tamaiki ako ka 'oku 'ikai kenau ako. Ko e fakahoko kotoa pe 'eni 'e he ongo Lavu ka koe Lavu Fefine 'oku tuhu kiai e tao he koia na'a ne fakalele 'a e 'apiako kae mavahe tokua 'a Lavu tangata 'o falealea. Mo'oni pe 'e 'ikai puli ha me'a ia.

    Report
  • Nalesoni
    Nalesoni Wednesday, 09 November 2016 08:38 Comment Link

    Fakafiefia e nga'unu ko'eni pea 'oku 'ikai puli 'a e fiema'u ke tokoni'i e hako tupu 'o e fonua he mala'e 'o e ako. 'Oku mahino foki koe kau tangata 'eni 'oku falala'anga he mala'e 'o e ako 'oku nau fakahoko 'a e ngaue ko'eni pea mahino na'a nau ako pea 'ilonga pea 'e toe falalala'anga pe foki mei he ngaahi 'apiako 'i muli. Ko e toe pe 'eni 'etau fanau ke nau tokanga 'o faka'aonga'i 'a e ngaahi faingamalie ko'eni.

    Report
  • Ako Tutuku
    Ako Tutuku Tuesday, 08 November 2016 22:44 Comment Link

    Poupou atu ki he langa ngaue ko'eni pea malo kau tangata e ala 'i Sia pea toe ala 'i Kolonga. Koe konga mahu'inga taha 'eni 'etau mo'ui ko hono teke ''o e ako 'i hotau fonua pea 'oku toe fiema'u foki moe kau ako lelei mo 'ilonga kenau taaimu'a ai. Talamonu atu ki he langa ngaue ko'eni mo e sio loloa ki he kaha'u etau fanau.

    Report
  • Hainite V. McLean
    Hainite V. McLean Tuesday, 08 November 2016 12:43 Comment Link

    Óku hanga maú pe éhe ÏLO ó tekeí á e POÜLI pea ko e poúli óku íkai ke nau lata íhe potu ó e ÍLO. Malo muá sii okooko maa hotau kií fonua ko Tonga!!

    Report
  • Peato
    Peato Tuesday, 08 November 2016 11:09 Comment Link

    Malo e ngaue lahi pea 'oku fakafiefia ma'u pe hono teke 'o e maa'imoa ako 'i he fonua pea fakamalo atu ki he kau mamahi'i ako ko'eni 'oku nau tu'u ke poupou ki he pule'anga 'i hono langa e ako mo ako'i e hako tupu 'o e fonua. Poupou atu ki he ngaue pea 'ofa ke lave ai 'a e hakotupu 'o e fonua.

    Report
  • Hinavakamea Ta-va-i-Moana Helu
    Hinavakamea Ta-va-i-Moana Helu Tuesday, 08 November 2016 10:21 Comment Link

    Fakafeta'i pe ki he Tu'i 'o Langi 'ene fakatuha faingamalie mai ki he fonua 'o fakafou mai 'i he Ako. Ko e koto tapuaki mahu'inga 'eni 'oku 'inasi ai e fonua pea 'oku fai moe tukupa 'e tulia hono ngalu ke fakaheke atu ai ha ngaahi fakakaukau ke fakalakalaka'aki e Maa'imoa Ako 'i he fonua. Malo e ngaue.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top