Foaki me’a’ofa Komipiuta ki he Tonga International Academy Featured
Kuo taa’imalie ‘a e Ako’anga Fakavaha’a Pule’anga ‘a Tonga (Tonga Intenational Academy) ‘i he me’a’ofa komipiuta kuo foaki ‘e Sione Akemeihakau Mokofisi ko e Talekita ki he ki hono ako’i ‘o e lea faka Pilitania pehe ki he fa’u ongoongo mo e fa’u tohi ‘i he ako’anga ni pe.
Na’e foaki foki ‘e Sione Mokofisi ‘a e komipiuta laptop ‘e 5 ‘a ia ‘oku fakataumu’a ia ki hono tokoni’i ‘a e ako ‘a e fanau ‘o tautautefito ki he fa’u tohi kae pehe ki hono toe fakalelei ‘enau ‘ilo ki hono ngaue’aki ‘a e komipiuta. ‘Oku kau foki ‘a e ako’anga ni ‘i he fo’ou ‘i Tonga ni ka ‘oku kamata ke ha sino mai ‘a e ola lelei ‘o ‘enau ngaahi polokalama ako.
“‘Oku mahu’inga pe faka’ai’ai ‘a e fanau kenau poto mo manako hono ngaue’aki ‘a e me’angaue mahu’inga ko’eni koe komipiuta he ‘e tokoni lahi ki he’enau ako tautautefito ki he tohi mo fa’u enau ngaahi pepa” koe fakamatala ia ‘a Mokofisi.
Na’e ‘i ai tonu foki ‘a Palofesa Dr. ‘Okusitino Mahina lolotonga ha’ane ‘a’ahi mai ‘i he polokalama fengaue’aki mo e ‘apiako ni ke kau ki hono talitali ‘ehe palesiteni ‘o e ‘unioni ‘a fanauako Fanua Palanite ‘a e me’a’ofa ko’eni. Na’e fakaha foki ‘e he Pule ‘o e ako’anga ni Dr. Langitoto Helu ‘ene hounga’ia pehe ki he kau faiako he tokoni lahi kuo fakahoko ‘e honau kaunga ngaue ko’eni
