“ MĀLŌ UNIVERSITY STUDENT...Mo'oni ho'o mo faka-mahamahaló mo Mark Hansen: (1) na'a kuo fai e loto kovi 'a e kau faiakó ke 'oua 'e kapiteni 'a Ms. Teumohenga; (2) pea 'oku totonu ke muimui ki he tu'utu'uni mai 'a e Palēmiá mo e Minisitā Ako Le'ole'o ko Palofesa 'Eutate S. Lavulavu, Phd.
1. 'Oku ou talamonū atu kia Ms. Teumohenga ko e kapiteni 'o THS 'i he 2015. Mālō e ako, pea kuo ne ikuna 'a e founga sivi (assessment) 'a e kau faiakó ke fakanofo ia ko e kapiteni 'o e ta'uako 2015.
2. Ka 'oku ou fifili pe na'a mo 'ilo meifē 'oku totonu ke kapiteni 'a Ms. Teumohenga kimu'a pea toki fai e Sivi Tutukú?
3. 'Oku 'ikai teu tui 'oku ma'u 'e ha fāmili poto ha tukupā 'e poto kotoa 'enau fānaú. Na'e pulusi foki 'i he mītiá 'a e 'uhinga 'oku totonu ai ke kapiteni 'a Ms. Teumohenga, koe'uhí ko e tokolahi 'a e kakai poto mei hono kāingá. 'Oku fakatupu lotosi'i ia ki he fānau akó 'o kapau 'e tomu'a faka-papau'i (pre-ordain) 'a e tokotaha pototaha 'i he kalasi.
4. Na'e kapiteni 'a Ms. Teumohenga koe'uhi ko 'ene feinga pē 'a'ana. Pea mahino mai na'e poupou'i lahi 'e hono fāmilí ke ne fai e ngaahi me'a maheni mo e ako, 'a ia na'e talangofua ki ai. 'Oku lahi 'a e ngaahi 'uhinga (variables) na'e lava mā'olunga ai 'a Ms. Teumohengá, ka 'oku 'ikai ko e faka-tāfataha pē ko e toto poto 'a hono fāmilí. 'Oku mahino kiate koe University Student 'a e lau ko ia, e?
5. 'E lava pē 'e ha ki'i ta'ahine pe tamasi'i ako mei ha kolo pe motu 'i Tonga kotoa 'o lava mā'olunga 'o hangē ko Ms. Teumohengá. 'Oku foaki ta'e filifili-mānako 'e he 'Otuá 'a e talēniti kotoa kiate kitautolu.
6. 'Oku 'ikai totonu foki ke pule'i fake-ikiiki (micro-manage) mai 'e he Minisitā Akó 'a e founga sivi 'a e ngaahi 'apiakó. Kuo ako 'a e kau puleakó ki honau ngaahi mala'e takitaha ke faka-falala kiate kinatutolu 'a honau fatongiá.
7. (a) 'Oku 'ikai ko e pule'anga kominiusi 'a Tonga ke tali tu'utu'uni 'a e potungāue kotoa ki he 'ōfisi 'o e "central planning" 'o e pule'angá. (b) Fakatatau 'a e taukei ngāue mo e ako 'a e kau puleakó ki he kau taki 'i he 'ōfisi "central planning." 'Ikai 'oku 'i ai 'a faikehekehe lahi? Tukukehe 'a Min. Lavulavu mo hono Phd. ko e mata'itohi tufi veve. ”