“ Malo 'Emeli Moala Pouvalu e poupou mateaki ki he'etau ako 'i Tonga. Kou 'ilo pau ko e tokotaha fe'unga koe ki he laka ni. 'E lau pe 'e ha taha ho'o fakamatala ni 'o mahino 'a e taukei fakataki mo e visone loloto 'oku ke ma'u fekau'aki mo hono tataki 'o e ako. 'Oku ou 'ilo pau eni he na'a ke puleako mo faiako he Kolisi Fakafaiako he taimi ne u kei ako ai ai. Pea ko 'eku faiako foki koe.
Mahu'inga ho’o lave ki hono paloti'i ko ia 'e he kau Puleako pe 'e ngaue'aki e raw marks pe 'ikai, 'o iku pe 'o nau loto ke ngaue'aki. Kou poupou, hange ko ho’o lave, 'oku 'i ai pe me'a ke fai'aki e loto 'o e tokolahi pea 'i ai e me'a ke 'ave ki he kau taukei he mala'e ko ia ke nau ngaue ki ai. 'Oku ou kau foki he fakame'apango'ia he toloi loloa ko eni e ola 'o e talangaue. 'Oku 'ikai tonu ia ke hoko he kuonga ko eni 'o e pule'anga fakatemokalati. 'E fai atu pe eni pea 'e fakafehu'ia lahi 'aupito e kau taki he Potungaue ni. Ne tau feinga ki he Temokalati ke toe lelei ange ‘etau fakahokofatongia ma’ae kakai. ‘Oku ‘i fe ‘a e faka’amu koi a?
'Ofa atu 'Emeli mo e poupou lahi ki ho'o toe talangaue ki he lakanga CEO. Fakatauange ke nau toe 'oatu ha toe teemi fo'ou ke ke tataki ai e Potungaue ni he kaha'u na mo kei tauhi mo fakafoki e ako ki he tu'unga ne 'i ai kimu'a. ”