“ Malo fau ‘Etita ‘ae fakamanatu lelei mo fungani hono toe fakamaama mo fakamahino ‘ae “tu‘unga faingatamaki” (state of emergency) ‘oe mahaki faka‘auha koveti-19 ‘oku lotolotonga to ‘i mamani pea kau ai mo Tonga, ‘aia ‘oku lolo ‘ae me‘a kotoa ‘o “loka tapuni malu ‘ae fonua moe kakai” mo nau “nofo fakataautaha mo fakamavahevahe” (physical-social isolation-exclusion) hono tau‘i ‘ae vave moe lahi ‘oe mafola moe pipihi ‘ae mahaki tamate. ‘Oku hoko ‘eni kene uesia faka‘aufua ‘ae fonua moe kakai kae tautefito kihe ‘ikonomika ‘oku tupu ai ‘ae fiema‘u vivili lahi ke “fakaava faka‘ata vave ‘ae fonua moe ‘ikonomika” mo “nofo fakatahataha mo fakatokolahi” (physical-social connection-inclusion), pea fakafoki kihe “tukunga faingamalie” (state of normality). ‘Oku mo‘oni fau ‘ae lau koe feilaulau ‘eni ‘oku ma‘u he lototo‘a, ‘o hange koe lea ‘ae tohitapu, ‘oku ma‘u ‘a hevani he faifeilaulau moe lototo‘a. ‘Oku mate pe kihe fuatautau ‘ae “lelei” moe “kovi” he va ‘oe “loka tapuni malu ‘ae fonua moe kakai” moe “fakaava faka‘ata vave ‘ae fonua moe ‘ikonomika.” ”