“ ʻOkú ou poupou kakato ki hono kumuni ʻa e ngaahi vāhenga fonua mahuʻinga ʻi hotau tala tukufakaholó. Ko e ngaahi sia heulupé ko e tukufakaholo mei tuai pea ko e heulupé ko e taha ia ʻo e ngaahi faiva motuʻa taha ʻo Tongá. ʻOku hā ʻi hotau Talá ko e heulupé naʻe tomuʻa fakahoko ʻe Tangaloa ʻEitumatupuʻa ʻi he kuonga naʻe ʻaʻahi ai ʻa ʻAhoʻeitu ki Langí. Ko ia ai, ko e heulupé ko e taha ia ʻo e ngaahi fuofua faiva ʻo Tongá. Neongo kuo mōlia atu ʻa e faiva heulupé ka ʻoku kei tuʻuloa mai ʻa e hono ngaahi siá pea ʻoku totonu ke pukepuke ko e tukutukulaumea ʻa e kau muʻakí ki he kau muiakí. ”