“ 'Oku 'ikai mahu'inga 'a e lea faka-Tongá 'o kapau 'oku 'ikai ke 'i ai ha faka'ai'ai (incentives) ke faka-'aonga'i ki ai. 'Oku tokosi'i 'aupito 'a e kau fa'utohi (writers) 'i he lea Tongá 'oku nau faka-'aonga'i totonu 'a e lao kalam faka-Tongá.
Pea ko e kau fa'utohi, kau fai ongoongo, mo e kau taki fonua (politicians) 'oku nau takimu'a 'i hono maumau'i 'etau leá. 'Oku nau faka-Tonga'i 'a e ngaahi lea faka-Pilitānia kuo 'osi 'i ai 'a e ngaahi lea faka-Tonga totonu. 'Oku nau fakapikopiko 'i hono fekumi 'a e lea Tonga totonú.
'Oku nau fie faka-'aonga'i e ngaahi fo'i lea faka-Pilitānia ke fiehā 'aki 'enau ako lelei koā. 'Oku 'ikai ko ha fakatātā lelei ia ki he to'utupú 'i he 'enau lea mai 'i he lētiō, TV, pea mo 'enau fakamatala ki he nusipepá. ”