Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

‘Oku mau kei fiema’u pe ke folau mai MV ‘Otuanga’ofa Featured

Taulanga Pasivulangi Niua Fo'ou 'i he ta'u 1970 tupu Taulanga Pasivulangi Niua Fo'ou 'i he ta'u 1970 tupu

22 Ma’asi, 2017. Ko e hili hono tukuatu ‘e he ongoongo ‘a e Letio Tonga 'o a'u ki he Ongo Niua ‘a e ‘ikai loto ‘a e Kosilio ‘a 'enau ke toe folau ange ‘a e MV ‘Otuanga’ofa kuo a’utaki mai ‘a e fetu’utaki fekau’aki mo e kaveinga ni.

Ko e fetu’utaki foki ‘eni mei Niua Fo’ou pea ‘oku ‘ikai loto ‘a e tokotaha ni ke fakaha hono hingoa ka ‘oku ne tui mo e ni’ihi kehe pe mei he Funga Vailahi ‘oku ‘ikai kenau tui tatau mo 'enau Kosilio ki he ta’eloto ko’eni.

‘Oku ‘uhinga foki ‘a e ni’ihi ko’eni he ‘oku nau ongo’i ‘a e ta’u lahi ‘a e ngaue ange ‘a e MV 'Otuanga'ofa ke tokoni ki he fefolau’aki ki Niua Fo’ou pe ‘oku hounga kiate kinautolu foki.

Na’e toe fakaha foki ‘e he tokotaha ni ‘oku mahino mai he ngaahi ‘aho ni ‘oku lahi e ngaahi ‘opisoni mo e ngaahi vaka kenau fili mei ai pea ‘oku ngali li’ekina leva ‘a e vaka mo e kautaha ‘a e Pule’anga na’a ne tokoni he taimi kotoa ke fakaa’u ‘a ‘enau fiema’u mei motu mama’o.

Na’a ne toe fakaha foki ‘oku toe tokoni foki mo e Pule’anga ki hono fakapa’anga ‘a e folau ange ‘a e ngaahi vaka pea ‘oku nau loto ke kei hokohoko atu pe ‘o tatau ai pe pe koe ha pe ha vaka.

'Oku mahino pe foki 'a e loto 'o e Kosilio fakatatau ki he fakamatala 'a e tokotaha ni ka 'oku nau manavasi'i na'a hoko e fefusiaki ko'eni ke mole ai honau faingamalie ki he kaha'u.

“‘Oku mahino pe foki ‘a e ‘uhinga ia ‘oku ‘ikai tau ange ai ‘a e MV ‘Otuanga’ofa ki taulanga pea ‘oku pehe pe mo e ngaahi vaka kehe”, koe fakamatala ia ‘a e tokotaha ko’eni.

Ko e ta’efiemalie foki ‘a e Kosilio ‘a e Ongo Niua ki he ‘ikai lava ‘a e ‘Otuanga’ofa ‘o no’o ki he ongo taulanga pea ‘oku tupu mei ai ‘a e ‘ikai malu mo maumau ‘enau uta pehe ki he malu ‘a e kau pasese.

Leave a comment

Make sure you enter all the required information, indicated by an asterisk (*). HTML code is not allowed.

back to top