“ Siʻotoʻofa Hūfanga mo e kau fānifo ʻi he taulanga Nepitunó:
ʻOku moʻoni ʻaupito ʻa e mole ʻetau tufunga tāpapafānifó, faiva fānifó / heke ʻi he ngalú, ʻilo fakaʻenisiniá ki he fānifó, mo e ngaahi tala ki he fānifó. ʻOku hoʻata mai mei he tala ʻo e fānifó ʻa e fekauʻaki ʻa e fānifó mo e toutaiʻi (noʻo) ʻo e ʻangá mo e tenifá. Ko e talanoa ki hono tāmateʻi ʻe Maui Kisikisi ʻa e ʻanga/tenifa fekaí ko e heliaki ia ki hono maʻu ʻa e ʻilo mo e poto foʻou ki hono toutaiʻi / noʻo ʻo e ʻangá mo e tenifá. ”