“ Mālie fau Hūfanga hoʻo ngāueʻaki ʻa e teolia tā-vā ki hono fakamatalaʻi ʻo e tufunga tāpapafānifó pea mo e faiva fānifó. ʻOku matamata ko Maui ʻAtalanga mo Maui Kisikisi naʻá na fuofua fakahoko ʻa e fānifó ʻi Tongá. ʻOku hā ʻi hona talá naʻá na fānifo ʻi Motuliki, Fisi, lolotonga ʻena ʻalu mei Tonga ki Fisi ke tāmateʻi ʻa e kulī fekai ko Fulupuputa. ʻOku pehē ʻehe talá naʻe lolotonga e fānifo ʻa Maui Kisikisi kuo ʻoho mai e tenifa fekai, pea tāmateʻi ia ʻe Maui Kisikisi, pea toe ʻoho mai mo e ʻanga fekai, pea tāmateʻi mo ia ʻe Maui Kisikisi. Ko e meʻa ʻoku mālie he naʻe fānifo pē ʻa Maui Kisikisi mo tāmateʻi ʻa e tenifa fekaí mo e ʻanga fekaí ʻi he vāʻitā (taimi) tatau. Tō atu ko e tuʻunga maʻolunga ne aʻu ki ai e fānifo ʻa Maui Kisikisí. ”