Langiloa ‘A e Lopaukamea Featured
‘AATI & LITILESĀ/ART & LITERATURE
TA‘ANGA/MAAU & HIVA/POETRY & MUSIC
Langiloa ‘A e Lopaukamea
Fatu ‘e Palōfesa Hūfanga Dr ‘Ōkusitino Māhina
1. Hūfanga ‘i he malu ‘eta kuila
Mo e laione ta’ane ‘i mo’unga
Ko e misionali mo e sikolasitika
Moto ko e ‘ofa mo e ‘ēkelesia
He tau’atāina mei he pōpula
Masiva he ‘ilo hala ki he ‘auha
2. Kuo tala mo kapui pea aofakí
Mo e kaveinga ē ke talangaki
Teauuanima ta’u ē kuo hokosi
Langa mai tama ke ta ma’alali
‘A e to’u kimu’a mo e ta’u kimui
He ‘eioni koula ‘oku ke I tu’utai
3. Kuo oso pea tava hotau ‘aho
Kuo tau hotau hua ka tau soko
‘Aho’eitu ē ‘Alaivahamama’o
Uki ‘a Tāufa’āhau mo Tuku’aho
Ki a Ngū mo Tungī ke fakauō
He kuo fakaola ‘eta to’opngapō
4. Kolisi Tonga ke hua mai ha tuē
Ke ha’otā teki pea tongi’one
Ako kuo hake tu’u ke ta me’ite
Pule’anga mo e siasi ongo ‘olive
Vakaua tōnunga ‘eta fesifohe
Mate ma’ae fonua si’eta siate
5. Ko ia ē kavaveni lanu ta’ata’a
Ko e langiloa ‘a e Lopaukamea
Kala ‘eta fuká navei ko e ikuna
He saienisi tekinolosia mo e fika
‘O kula ‘i fale pea kula ‘i tu’a
Ma’u pē maama he matekina
6. Ha’u ā ke ta ‘eva he hala malu
‘O mamata hono vao pulukamu
Matala ē ‘ōhai langa ē manatu
‘E ngalo nai ‘afē ‘a e tapavalu
Mo e sitētiume kuo vākaunahu
Si’i Funga Manamo’ui lata ai au
7. Ma’u pē ho’o nofo ka ko e kole
Kuo ma’una ‘i loto pea malave
Si’ete ‘ofavale ‘i Funga ‘Atele
Ko hoto kāpani tapulā ke vete
Kau hema ange ki he Vaitākele
‘O fakalongo mai ki ha’o pule
Foresight Of The Ironrope
Composed [and translated] by
Professor Hūfanga Dr ‘Ōkusitino Māhina
1. I take shelter in the shade of the flag
And the male lion on the mound
The missionary and the scholar
Love and ecclesial is thy motto
In freeing people from bondage
Ignorance is trail for destruction
2. My tribute has been pronounced
The theme of the day to be announced
125 years has passed, to mark this day
Please arise and let’s celebrate
Those of the past, and of the present
The golden aeon lingers on
3. Our day is joyous and jubilant
Now that we’re ready let’s proceed
Ye ‘Aho’eitu, ‘Alaivahamama’o
Beckon Tāufa’āhau and Tuku’aho
For Ngū and Tungī to applaud
Our labour of love has borne fruits
4. Tonga College let’s sing in praise
Let’s dance and make merry
Education has come let’s rejoice
State and church are leaves of olive
Double-hulled for our hard-rowing
To die for the land is our charter
5. Our covenant is in blood-red
The foresight of the Ironrope
Our red-dyed-banner, a victory
In science, technology and maths
Sun-burnt in the house and outside
You can only get bread thro’ sweat
6. Come let’s sojourn in shadowy paths
And see the beauty of the cum trees
The ‘ōhai blossom, jogs my memories
Will I ever lose sight of the octagon?
And the stadium standing behind it
Funga Manamo’ui, you’re my passion
7. Lest ye be troubled but I have a request
My heart tremors and aches cruelly
My undying love for Funga ‘Atele
You’re my companion for life
But I shall briefly turn to the Waitakere
There I will remain for my call of duty
Fakamatala Nounou
Na'e fatu 'a e "Langiloa 'A e Lopaukamea" ki he Kolisi Tonga he fe'auhi sivihiva he katoanga'i hono 125 ta'u he ta'u 2007 'I 'Aokalani, Aotearoa Nu'usila, 'a ia na'a ne ma'u 'a e pale 'uluaki. Na'e fakaafo/fakasi 'e Nisai 'Atuekaho pea hiva'i 'e he Va'a 'a e Kolisi Tutuku 'a Niulini 'i 'Aokalani.
The sung-poetry "Langiloa 'A e Lopaukamea," translated as "Foresight of the Ironrope," was composed about Tonga College for the celebrations of its 125th anniversary in 2007 in Auckland, Aotearoa New Zealand, which won the first prize. It was put to music by Nisai 'Atuekaho and sung by the New Lynn Old Boys' Association Branch in Auckland.
4 comments
-
![Hufanga [Okusitino Mahina]](https://secure.gravatar.com/avatar/3faef0c7fca480e4d3fd4ffffa7a37c4?s=48&default=https%3A%2F%2Fnepituno.to%2Fcomponents%2Fcom_k2%2Fimages%2Fplaceholder%2Fuser.png)
Si'oto'ofa Talamatangi pea ke fakamolemole 'ala he na'e fai 'a e ki'i tulekava ka kuo fanguna 'ete mohe 'e he kole kava kuo he'aki pea fakatau mai ai leva ha'aku kava ka e hoko atu 'etau polave. 'Oku lahi fau 'a e 'uhinga 'o e kula ka na'e fakapatonu 'a e: "Kula 'i fale pea kula 'i tu'a," 'o liliulea ki he 'Ingilisi ko e: "Sun-burnt inside the house and outside," 'o tatau pe mo ho'o faka'uhinga ki he fohia hono tutu 'e he la'a he fai ha ngaue lahi, ma'uhinga mo 'aonga fau. 'Oku 'asi mata'a'a 'eni he lea ko e: "Na'e fai 'a e kula 'i vao pe na'e fai 'a e kula 'i moana, 'o tuhu ki hono tutu 'e he la'a 'a e kau fa'a 'i tokanga mo e kau toutai 'i ngatai.
Ka ke ka faingamalie pea ke fanifo hifo ki he'eku 'atikolo he tufunga tapapafanifo mo e faiva fanifo he Nepituno Online News, 'a ia na'a to e lave ai ki he 'uhinga malie, fihi mo loloto fau 'e taha 'o e kula.
Kataki 'ala ka e fakatau mai ai leva ha'aku kava ka e afe hoku vaka 'o lepaheke pe mei tu'angalu mo tu'utelinga mai ki ha ta-va 'e to e palu ai hotau kava mo hook atu 'etau polave.
'Ofa mo'oni mo e manatu vivili,
Hufanga -
Palofesa ne makatu'unga 'eku fifili he ko e fatu foki 'oku hanga hangatonu ki he Kolisi Tonga. Ka na'aku fifili ki he matekina ko e ngaue 'a e maama mo e bread. Ka ko e tafe hifo 'a e fatu malie ni 'o lave ki he kula 'i fale pea kula 'i tu'a. 'Oku malie fau kia au ko e kula 'oku lahi hono ngaahi 'uhinga 'o hange ko 'eni, kula ko e lanu, kula ko e fanga ki'i me'a teuteu, kula ko e fuoloa hano fokifokihi ha me'a pea kula, pea 'oku 'iai mo e kula 'e taha 'oku tau ngaue'aki pe ko e hala 'a fale pea hala mo tu'a. Pe ko hono 'ai 'e taha ko e faka'ofa 'a fale pea faka'ofa mo tu'a. Ka 'oku ki'i aata mai ho'o ngaue 'aki he translation 'a e f'oi lea ko e sun-burnt in the house and outside. Kiate teau, pe 'oku ofi 'eku faka'uhinga pe 'ikai ko e totoivi 'i fale pea mo tu'a. Ngali 'oku ofi ia ki he 'IKai tunu hake pe 'unga pea kula 'o ngali vaofi ia mo e humai 'a e matekina. Ko e hela mo e pupuha'ia mo e fohia ko e makatu'unga ia 'o e matekina. Teu ki'i afe he Palofesa na'a mohe e to'ua he ko e tou'a 'Eua.
Malo -
Malo fau Talamatangi hono ke i 'aofaki hotau pola pea mo e fifili ma'uhinga, malie mo 'aonga hulu kuo feia. 'Oku ke 'ilo lelei pe 'o hange ko 'eku ma'u 'a e faingata'a 'o e liliu 'a e 'uhinga ha lea [tala] 'e taha ki he 'uhinga ha lea [tala] 'e taha -- pe 'uhinga ha fonua [culture] 'e taha ki he 'uhinga ha fonua [fonua] 'e taha -- 'o hange tofu ko 'ene 'asi heni hono liliu 'a e ta'anga ni he lea [tala] fakaTonga ki he lea [tala] faka'Ingilisi. 'Oku mo'oni atu ho'o fifili mo e fehu'i hono liliu 'a e: "Ma'u pe maama he matekina" [kohi / laini 6, kupu / veesi 5] he lea / tala fakaTonga ki he: "You can only get bread thro' sweat." he lea / tala faka'Ingilisi, 'a ia 'oku 'ikai ke na fenapasi," 'o ngali ofi ange hano liliu ko e: "You acquire knowledge thro' hard-work." Kaekehe na'e tefito 'eku liliu he "'uhinga" ka e 'ikai ko e "lea / tala," 'a ia na'a ku fakatatau 'a e "faimateaki / faimatekina 'o e feinga ke ma'u 'a e maama ['ilo mo e poto] he ako" ki he " kavahia / konahia / pupuha'ia 'o e feinga ke ma'u 'a e ma he fei'umu," 'o hange ko 'ene 'asi he lea Tonga heliaki [poloveape / paloveape / fakatata] malie mo loloto ko e: "'Ma'u pe ma he kakava" ['a ia 'oku 'uhinga 'a e kavahia [konahia, pupuha'ia] ke ma'u 'a e ma ke kai ko e mo'ui'anga]. 'Oku 'uhinga pe 'a e matekina ki he mateaki, 'o hange ko e ma'u 'a e vetekina mei he veteki, li'ekina mei he li'aki, lomekina mei he lomaki, tapuekina mei he tapuaki mo e ha fua.
Ka e fakatau mai mu'a ha'aku kava pea malo fau 'a e ma'u kava mo e ma'u tala ka e toki vakai ke tuki hotau efe mo hoko atu 'etau talave.
ANFF leva e malanga ka e tau,
'Ofa atu fau mo e manatu ma'u,
Hufanga. -
Palofesa fakamalo atu he ngaahi fatu kuo tuku mai ka 'oku mashu'inga pe kiate kimautolu ko 'eni 'oku muiaki atu ke mau 'ilo ki he ngaahi lea mo hono 'uhinga. Ko e ki'i foi lea ko e matekina he veesi nima 'oku ke lava ai ki he maama mo e matekina ka ko ho'o translation he fakapalangi 'oku lave ia ki he bread mo e sweat. Pea 'i he 'ene tu'u pehe 'oku ki'i fihi kiate au 'a e 'uhinga 'o e matekina 'i he ngaue 'a e ma mo e maama. Ko e kole tokoni atu pe ko e ha e 'uhinga 'o e fo'ilea ko e MATEKINA..
Malo