Fale Pou Fitu 'O Poto ^Featured

Sivi Hiva Ta'u 68 Ako Ma'olunga 'o Tonga, Po'uli 'Aho 25 Sune 2015.

Fa’u ‘e Dr. Viliami Uasikē Lātū
Fakafasi ‘e Manase Foukimoana
Pule Hiva: Uilou Samani
'Ofisa Fale'i: Tevita Vaikona

Hiva’i ‘e he Kalapu Halamangaono ‘o Fasi Mo e Afi ‘a Tungī

1.TAPU MO E LA’Ā HOPO ‘O FELENITĒ
KO E VUNIVALU ‘O E TAHI SAUTE
MO E NGAAHI HA’A ‘OKU TU’U HE OPE
TALA HAO MO MALU KEI TU’UTAI PE
TUKU MU’A KEU KAU HE PUE
KO E POTOPOTO ‘A NIU MUI PE

2. HE KUO PAPANGA ‘A NUKU’ALOFA
KO E HILIFAKI KALAUNI KUO KOTOFA
TONGA TU’U HE KO HOTA KUONGA
AKO MO E LOTU KUO TU’ULOA
‘ISA KE FAKAMONŪ HOTA KOLOA
KO E MOKOI ‘O E ONO’I KUONGA
LAUKAU’ANGA ‘O E ‘OTU ANGA’OFA

3. KUO TUI AU AI ‘A E PAINI MUTU
HE TA’AU OMA ‘O E LOMIPEAU
KO E FANAUTAMA MEI LOTO TATAU
FALE POU FITU ‘O POTO HE LAUKAU
POLEPOLE’ANGA ‘O HA’A HEPELŪ
TAFENGA MONŪ KI HE KAHA’U
MATEMATIKA KUO TA KAU HE LAU

4. TAAU MO E ‘ILO LOLOTO ‘EKU SIATE
LOTO TO’A FAI TOTONU KO ‘EKU PELE
TUI ‘OFA ‘AMANAKI LELEI KEI TANGANE
‘A POTO MO’ONI MO’UI MO NGĀUE
KO HOTA TEUNGA HIFOAKI MEI FALE
UISA KO E FAI’ANGA ‘O E LAUTELE
TONGA HAI SIKULU KO’ENE KAI ‘ANA E

5. KUO ONOVALU TA’U ‘A SI’ETA KAKAU
KO LOTO HA TUKA NEONGO E PEAU
LŪSIA KI TAULANGA KUO FASI E NGALU
HEKA HE NAUA PEA INU E HAHAU
TELIA ‘A TONGA MO HONO KAHA’U
HE KUO NUNU E FOLAU VAKATAPU
KI HE LELEI TAHA KEI FAKATALUTALU

TAU
TEU LEPA HEKE HE KAU LELE AU
KUO TA’ALO SI’I KAFOA MO TALAU
KI HALAMANGAONO LATA AI AU
FASI MOE AFI KOE HĀ HA’O LAU
LALO KĀSIA TONGI HE ‘OFA MANATU
FALE POU FITU ‘ETA SILA KUO FAKAMA’U
TEU FAKAONGO ATU KI HA’O FEKAU