Tokoni Pa’anga 1 miliona 'Amelika 'a 'Initia ki he fakaakeake Saikolone Gita Featured
22 Fepueli, 2018. Kuo foaki ‘e he Pule’anga ‘Initia ‘a e pa’anga ‘Amelika ‘e 1 miliona ‘a ia ‘oku fakafuofua ke laka hake ia ‘i he pa’anga ‘e 2 miliona Tonga koe tokoni ki he fakaakeake ‘a e fonua mei he Saikolone ko Gita.
Na’e a’utaki mai foki ‘a e popoaki fie kaungāmamahi ‘a e Palēmia o ‘Initia Narendra Modi ki he Palēmia ‘o Tonga mo e fonua ‘i he taufa ne tō ‘i he fonua pehe ki hono fakapapau’i ‘e hono fonua ‘e kei tu’ulā’hoko ai pe ‘a e tu’u fakataha mo e fengāue’aki ‘a hono mo Tonga.
Ko e tokoni ko’eni ‘a e Pule’anga ‘Initia ‘oku fakafou mai ia meio he’ene pa’anga tokoni ki he ngaahi fonua ‘o e Saute ‘a ia ‘oku ‘i he malumalu ‘o e ngaahi kautaha ‘a e Pule’anga Fakatahataha (United Nations) pea ‘oku taumu’a ‘eni ki he feliuliuaki ‘a e ‘Ea mo e ngaahi fakatamaki fakaenatula ‘a ia ‘oku kau kiai ‘a Tonga ni ‘i he ngaahi fonua iiki ‘o e Pasifiki.
