Toafa'one Featured
Toafa'one 'i he fakahihifo 'o Nukunuku
AATI & LITILESĀ/ART & LITERATURE
TA‘ANGA/MAAU & HIVA/POETRY & MUSIC
Toafa'one: Fatu 'a Tu'ivakano Kiu
ANGI E MATANGI MEI HE NOATE
'O FALALA 'IHE MATA HANGALE
'OFA LOTO 'IHE TOAFA 'ONE
'E TANO'A PEA MO FELE'AVE
TU'UNGA'A E 'OFA NI KE 'AVE
FIFILI 'E MÃMANI FULIPÊ
UISA HE 'OFA NI PAEA HO LOTO FALE
KOE PIUTAU KUOTE ONGONA
HONO HA'OFIA 'A SI'ETE 'OFA
NEU LAU PÊ IA KO 'EKU KOLOA
HE KOE SINO NI IA KUO 'ATU
FAI 'AKI Ã MU'A HA'O LAUKAU
KEU PAEA 'IHE HA'OFANGA TAPU
KAE TUKU PÊ KI SI'AO MANATU
'OFA HOTO LOTO 'ETE A'USIA
HE KAKALA TAPU 'O POLINISIA
FANGA-LONGONOA KAKALA MO'ONIA
FUNGA-TUFUHÛ MOE KELE'A-MAKA
KOE 'OFA 'ENI KE MO FAKAHÃ
KAU KALOFAKI NOA HE VAHA
UISA FAKAPÕ SI'I FUNGA-MAHOFÃ
KOE 'OFA 'ENI KUO TALIFAKI
'A SI'ETE 'OFA HE ME'A MAMAHI
'A SI'ETE TALI ANGI KIA LANGAKALI
PEHEANGE MAI 'OKUTE 'ILOA
'A SI'O LOTO NA KAKALA HINGOA
NEU LAU PÊ KO 'EKU KOLOA
TEU FUA HIA PÊ Ã KA KE NONGA
Fakamatala Nounou:
Ko e fatu foki 'eni 'a Tu'ivakano (Kiu) pea 'oku mahino mei he ta'anga ni koe fatu fekau'aki mo e 'ofa pea 'oku nofo pe he ngaahi matanga 'o e tofi'a 'o Tu'ivakano 'o hange ko e Toafa'one mo e Matahangale 'i Nukunuku pea mo e Kele'amaka ki Vaotu'u. 'Oku 'ikai sola ha taha ki he ngaahi fatu 'a Tu'ivakano pea na'e hiva'i foki 'a e fatu ko 'eni 'e he Ha'ape 'o e Matahangale.
1 comment
-
Koe kau 'eni he ta'anga malie pea toe fakalata hono fasi. 'Oku tau malie'ia he fatu 'a e Hou'eiki 'o e ngaahi 'aho ki mu'a 'o 'ikai lau ha taha ia ki he Tu'i II mo Kuini Salote ka na'e toe fatu mo Hou;eiki 'o Hange ko Tuuhetoka, Tu'ivakano Kiu, Melenaite Tu'ipelehake pea na'e malie mo mohu 'enau ngaahi ta'anga.