Fonuamotu ^Featured

‘E FONUA MOTU KO ‘EKU ONGO
‘I HE TA’E MANOFO ‘A E LOTO
LEULEUKEFU HA’U KETA OO
‘O ‘EVA HE PALAVI HINGANO

FAKAVAIHOI HE SIMELO
HA’ANA TEUNGA VAHA’AKOLO
KO PANGAI E KUO SOSOO
‘O ‘EVA HE KAUHALA LALO

TANGI SI’I FA ‘I LO’AMANU
HE ME’A MAMAHI KOE FIE ‘ALU
KEU TAPA’AKI HA PO FETAU
‘ENE KAKANA FUOLOA ATU
LELE ‘O E MANU ‘OKU VATAU
HE MAKA KO FIE TANGI KE TATAU
FU’U FILIMOTO ‘ILO ‘EHE ‘AU
KE ME’ITE ‘A E FAKAKAUKAU

MAHINA HUHULU SI’ENE ULO
ME’A IA ‘OKU TA’EMANGALO
‘AE TAUFETULI ‘A E HUELO
‘O VA’INGA ‘I HE VAHA’A TONGO

TAHILANU PA ‘E NGALONGALO
MATANGA FAKAHOLO E NOFO
HAO ‘EVA AE MALOLO
‘I HE MALU ‘O PAEA POTO

UISA KUO TAU HOTAU HUA
FINE VULANGI HA’U TA ‘EVA
MAMATA HE NGOTO’UMU ‘A VEKA
MOE FALA KO TAU ‘I FOLAHA
TANUMAKI TAI HE TOHO’ANGA
HAKENGA ‘O TUNUNGA MO TONGA
UKU HE ‘UMEA FAINGATA’A
KAVA EFIAFI KANA HAKE AA
KEKE FOKI ‘I HE HALA TUKUTONGA
LAU ‘OKU PULI KA KUO ‘ILOA