Laulau 'o Toluafe Featured
Matatahi Hikutamole 'i 'Utungake Vava'u ko e Tofi'a 'o Tuita
‘AATI MO E LITILĒSĀ/ART AND LITERATURE
FAIVA TA‘ANGA/FAIVA MAAU & FAIVA HIVA/POETRY & MUSIC
"Laulau 'o Toluafe" Fatu 'a e Punake Ta'e'iloa
LAULAU `O TOLUAFE
1.MATANGI NE ANGI `I HE SIKA`AHEMA
SAKUI HE KOSO PEA LIU KUPEA
SI`I TAU KOTOFA KUO FANAKENA
HE KUO TAUFA`IA HE FAKALAKEPA
2.TU`I MOTULIKI KE MOU KUMIA MAI
KOE FE`IA KOĀ `A TU`I TAHI KE TALI
HE SIANA `O E KAPAKAU `O TAFAHI
KUO LATA NOA `I HE VUNGA MO E AHI
3.`ISA HE TANGATA `O E FUNGA FONUA
TU`UTAKI PEA MO E TAO MATA UA
LAU MATAKAI HEPO PE MO HEUA
TOLOFAKI AI HONO TOLU`I MO`UNGA
4.MATE `OFA HE FUA `AU POLUTELE
A`UNOA HE `EA MO E MAKA KO PAULINE
`ANAU KO E FE SI`ETE VAO HIKI E
NA`E SIU MO AKE `I HE FANGA SIALE
5.KUO LONGONOA `A E HIKUTAMOLE
NA`A KUO HALA `APE `A E TO`OFOHE
MAHINA MO E LA`A KUO FEKITE
PEA TAULOFU`U `I HE MAKA MAILE
TAU
FAKAPŌ Ē KUO LAKU `ALOFIA
`ONE FAKAHEHU `A E `OTU KAVEINGA
HE TANGATA NE FATAKI `UHINGA
NA`E NGANA PEA MO E FAIFATONGIA
Fakamatala Nounou
Ko e ta'anga foki 'eni 'oku fakataumu'a kia Toluafe 'a ia na'e hoko ki he hingoa Nopele Tukufakaholo ko eTuita ko hono vikia hono tukufakaholo pea mo 'ene fua fatongia. 'Oku 'ikai ke ma'u pe ko hai 'a e punake na'a ne fa'u 'eni ka 'oku kau 'eni he ta'anga 'oku lahi hono hiva'i 'e he ngaahi tame'a 'iloa 'i he Kalapu Kava Tonga kae tautautefito ki he Fofo'anga mo e Kalapu Mohetaha 'a Vava'u. Kapau 'oku 'ilo ha taha ki he punake 'a'ana 'a e ta'anga ni pea 'e tokoni lahi ki he kolomu ni.
