Loto He Kelekele Featured
'Akau ko e maile
‘AATI MO E LITILĒSĀ/ART AND LITERATURE
FAIVA TA‘ANGA/FAIVA MAAU & FAIVA HIVA/POETRY & MUSIC
"Loto He Kelekele" Fatu 'a Kuini Sālote Tupou III
LOTO HE KELEKELE
LOTO HE KELEKELE TUKUNOA
AFE NATULA ‘O MAA’IMOA
LAKU ‘A E TENGA ‘O E ‘OFA
TUPU KOE LOSE MANAKOA
AKA NE TAU MAMA’O FAU
AHULI TUPU HONO LAU
‘O MUKA ‘I HE FAKAKAUKAU
KAMATA KE ‘ALAHA NGANGATU
TAU
NEU FIU KUMI AFO KE TAAU
‘E LAVA NAI ‘A FE KE TOE MA’U
HANGE SI’A MISI ‘OKU PULI ATU
‘ETE ‘AUHIA HO’O MANATU
MOTO NA’E HA ‘I HE PALOMESI
‘O FATAKAU ‘I HE MAHENI
HA AI ‘A E LANU FEOIHI LELEI
‘ULU’ALO ‘I HE FELUTENI
‘AMANAKI ’ENI KUO HALA
KI HA’ANE LUPUU ‘O MATALA
KA KUO LILIU IA KOE ‘ATA
KA KO HANO TOLI ‘E ‘IKAI LAVA
Fakamatala Nounou:
K e fatu foki ‘eni ‘a e Ta’ahine Kuini Sālote Tupou III mo ‘ene fakahahanu ki hono ‘ofa’anga Tungī Malifefihi hili ‘ene pekia. ‘Oku ho’ata mai foki mei he fatu malie ko’eni ‘a e loloto ‘a hono fūfū ‘e he Ta’ahine ‘a e mo’oni hono loto ‘i he ngaahi kupu ‘o e ta’anga ni ‘a ia ko e taimi ia ‘oku malie mo mo’oni ai ‘a e Heliaki. ‘Oku kau foki ‘a maa’imoa ko’eni ‘i hono ako’i ‘o e lesoni Tonga ‘i he ngaahi kalasi sivi ma’olunga ange ‘a e ngaahi kolisi.
