Faka'ilo Ki'i Talavou Fua'amotu Ki he Fakapō Featured
Nuku’alofa, 18 Sanuali 2015. Kuo faka’ilo ‘e he Potungāue Polisi ha ki’i talavou ta’u 19 mei Fua’amotu ‘o tukuaki’i ia ki he hia fakapō hili ia ‘a e pekia ‘a ha matāpule ta’u 36 mei Fua’amotu ai pe.
Na’e hoko ‘a e me’a ni ‘i he taimi ta’e ‘amanekina ‘a ia koe po’uli hifo ‘o e ‘aho Sapate 17 ‘o Sanuali 'i Fua'amotu pe.
Kuo mahino mai mei he fakamatala ‘a e Potungāue Polisi na’e hoko ‘a e me’a ni fakafuofua ki he taimi 10:00 po’uli pea na’e puke ai pe ‘a e ki’i talavou ni ‘o tauhi ‘e he Kau Polisi. ‘Oku te’eki ke tuku mai kitu’a ‘a e hingoa ‘o e pekia mo e faka’iloa.
‘Oku te’eki foki ke mahino mai pe ‘e hā ‘a e talavou ni ‘i he Fakamaau’anga he taimi fē lolotonga ia ‘oku hokohoko atu pe ‘a e ngāue ‘a e Potungāue Polisi ki he me’a ni.
