Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

'Eke 'e he Uitou Fifita Holeva Tuku'aho 'ene totonu ki he Lisi 'Api ko Fatai Featured

'Eke 'e he Uitou Fifita Holeva Tuku'aho 'ene totonu ki he Lisi 'Api ko Fatai

Kuo ‘osi fakahu ki he Fakamaau’anga pea kuo fakahoko moe semipa (chamber) ‘o fekau’aki mo e hopo ‘eke ‘e he uitou ‘o e Tu’ipelehake kuo pekia Fifita Holeva Tuku’aho a ‘ene totonu ki he lisi ‘o e ‘api ko Fatai.

Ko e hopo ‘eni ‘i he vaha’a ‘o e Tu’ipelehake ‘o e ‘aho ni mo e uitou pea ‘oku fekau’aki tonu ‘eni mo e ‘api ko Fatai ‘a ia ‘oku lolotonga lisi ‘e he Kautaha ‘Ea Nu’usila pea ‘oku ‘i loto ‘i he kelekele ko’eni ‘a e fale e’ 4.

‘Oku kaunga foki ‘a e Potungaue Fonua, Savea mo e Ngaahi Koloa Fakaenatula ki he hopo ko’eni ‘o makatu’unga ‘i he ngaahi lisi kuo fakahoko ki he ‘api ni. Fakatatau ki he fakamatala ‘a e loea ‘a e Tu’ipelehake William Clive Edwards koe ‘eke ko’eni ‘oku lahi hono ngaahi pole makatu’unga ‘i he tu’u ‘a Lao. Na’e fakaha ‘e Edwards ‘oku fu’u ‘ova ‘a e ‘eke ‘oku fakahoko ‘e he uitou ‘o fakatatau ki he Lao he kapau ‘oku tohi tuku ha koloa pea ‘oku fakamahu’inga ki he $10,000 pea mo e vahe tolu ‘o e pa’anga ‘oku toe ‘o kau kiai mo e ‘api kolo moe ‘api Tukuhau ‘i he founga ‘o e Lao lolotonga.

Na’e toe fakaha foki ‘e Edwards ko e tu’unga ki hono lesisita ‘o e ‘api ‘oku ki’i fihi mo ia ka koe me’a kotoa ‘e toki vete mei he Fakamaau’anga. Ko e uitou Fifita Holeva Tuku’aho ‘oku lolotonga laumalie lelei pe pea na’e ‘ikai foki ke ‘i ai ha’a na fanau moe Tama Tu’ipelehake kuo pekia. ‘Oku ‘ikai sola ‘a e ‘api tupu’a ni ki he fonua pea koe me’a’anga foki ia ‘o e Hou’eiki Lalahi ‘o e fonua talu mei tuai.

‘Oku te’eki ke mahino ha taimi ‘e faka’aho kiai ‘a e hopo ni ‘o fakatatau ki he fakamatala ‘a e Fakafofonga Lao William Clive Edwards.

 

Leave a comment

Make sure you enter all the required information, indicated by an asterisk (*). HTML code is not allowed.

back to top