Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Mate Melemo Ha Ongo Kaungame'a Fafale 'i Veitongo Featured

Mate Melemo Ha Ongo Kaungame'a Fafale 'i Veitongo

Nuku'alofa, 13 Siulai 2015. ‘Oku lolotonga fakakakato e ngaue ‘a e kau Polisi felave’i ‘eni pea mo ha fakatamaki ‘o mole ai e mo’ui ‘a ha ongo kaungame’a fafale ‘i he ‘aho Tokonaki 11 ‘o Siulai 2015.

Ko e pekia ko ‘Emeline Ngalu Pousini ta’u 22 ‘o Ma’ufanga pea mo Foekina Jagroop ta’u 25 ‘o Fasi. Na’e fakahoko ha kai me’akai ‘a e kau faiako ‘o e 'Apiako Tekinikale ‘Ahopanilolo ki ha mataatahi ‘i Veitongo ‘i he ‘aho Tokonaki 11 pea na'e kau atu ki ai ‘a e ongo pekia.

Lolotonga ‘enau kaukau tahi na’e mahino na'e faingata’a’ia ‘a Jagroop pea feinga tokoni ki ai ‘a Pousini, ka na’e ‘ikai felave ‘eni ‘o iku ‘ave ai hona sino ‘e he ‘au.

Na’e ma’u e sino ‘o Pousini ‘i he efiafi Tokonaki ka e hoko atu e ngaue ‘a e kau Polisi fakataha mo e kau Tamate Afi pehee ki he famili ‘o toki ma’u e sino ‘o Jagroop ‘i he ‘aho Sapate 12.

‘Oku ‘i he Falemate pe ‘a e ongo pekia ke fakakakato e ngaue ‘a e kau Toketa pehee ki he kau Polisi.
 
NGATA'ANGA

Issued by the: Tonga Police Media & Communication Officer, Tonga Police Headquarters,
Longolongo, (676) 23 318, (676) 23 323 Fax: (676) 23 036; for media enquiries – Email:
This email address is being protected from spambots. You need JavaScript enabled to view it. or This email address is being protected from spambots. You need JavaScript enabled to view it. 

Leave a comment

Make sure you enter all the required information, indicated by an asterisk (*). HTML code is not allowed.

back to top